ستانيسلاۆ چەرچەسوۆ فۋتبول قۇراماسىنىڭ ءساتسىز ويىنىنا قاتىستى پىكىر ءبىلدىردى

استانا. KAZINFORM - قازاقستان ۇلتتىق قۇراماسىنىڭ باس باپكەرى ستانيسلاۆ چەرچەسوۆ وڭ كورسەتكىشكە جەتۋ ءۇشىن قۇرامادا قانداي وزگەرىستەر جاساۋ قاجەتتىگى جونىندە ويىمەن ءبولىستى.

قازاقستاندىق فۋتبولشىلار ۇلتتار ليگاسى ۆ ليگاسى ءۇشىنشى توبىندا ءوز الاڭىندا نورۆەگيامەن 0:0 ەسەبىمەن تەڭ ءتۇسىپ، سىرت الاڭدا ولارعا 0:5 ەسەبىمەن ەسە جىبەردى. ال سلوۆەنياعا 0:3، 0:1, اۋسترياعا 0:4، 0:2 ەسەبىمەن جەڭىلىپ، ءوز توبىندا ءبىر ۇپايمەن سوڭعى ورىندى مىسە تۇتتى.

اتالعان ءتۋرنيردىڭ الداعى جاڭا ماۋسىمىندا ەندى قايتادان س ليگاسىندا وينايدى.

«بۇل سىلتاۋ ەمەس، ءبىزدىڭ باسىمدىق تانىتاتىن تۇسىمىز بولعان جوق. ءبىز استانا قالاسىنداعى سينتەتيكالىق الاڭدا ويناعان جوقپىز، وندا قوسىمشا ارتىقشىلىق بار. مەنىڭ كەلگەنىمشە بۇل جونىندە ەشكىم بولعان جوق. كۇنتىزبە بىزدە دايىندىققا قوسىمشا كۇندەر بولمايتىن ەتىپ جاسالعان. بۇعان دەيىن ونداي ۋاقىت بولدى. الداعى جىلى استانا قالاسىنا ورالامىز. دەسە دە ءبىزدى الماتى كەرەمەت قارسى الدى. سينتەتيكالىق الاڭدا ويناماعاندىقتان ءبىز قوسىمشا ارتىقشىلىققا قول جەتكىزە المادىق. رەگلامەنت بويىنشا بىزدە دايىندىققا قوسىمشا ۋاقىت بولعان جوق. بىزدە اۋستريامەن سىرتتاعى ويىنعا قوسىمشا ەكى كۇندى پايدالانا الدىق. بىزدە بىرنەشە كۇن بولۋى ءۇشىن ءتيىتى قۇجاتتاردى تاپسىردىم. كوپتەگەن ويىنشىلار بۇگىن تاجىريبە الدى. قاسىم جانە استانوۆ سەكىلدى ويىنشىلارعا ۋاقىت بەرىلدى. بۇل ويىمىز الداعى ىرىكتەۋ كەزەڭدەرىندە جۇزەگە اسادى دەگەن ۇمىتتەمىز»، - دەدى ستانيسلاۆ چەرچەسوۆ.