ەستۋ قابىلەتىنىڭ ناشارلاعانىن ءۇي جاعدايىندا قالاي انىقتاۋعا بولادى؟

 ەستۋ قابىلەتىڭىزدى ۇيدە ەكى ادىسپەن باعالاۋعا بولادى: قوسىمشا نەمەسە جاقىن ادامداردىڭ كومەگىمەن. بۇل تۋرالى سۋردولوگ- وتورينولارينگولوگ يانا شەرباكوۆا ايتتى.

"ۇيدە جاقىنىڭىزدى سىزدەن 5-6 مەترگە الىستاپ، بىردەڭە سىبىرلاپ ايتۋىن سۇراڭىز. ادەتتە، مۇنداي قاشىقتىقتا سىبىرلاۋ ەستىلەدى، ال ءسىز ايتىلعان ءسوزدى دۇرىس ەستىمەسەڭىز، مامانعا حابارلاسقان ءجون. بۇل دياگنوزدى كەز كەلگەن جاستا جاساۋعا بولادى، ءبىراق 45 جاستان كەيىن سۋردولوگقا ءجيى بارىپ، تەكسەرىلگەن دۇرىس"، - دەدى دارىگەر.

سونداي- اق، سمارتفونعا نەمەسە كومپيۋتەرگە جۇكتەۋگە بولاتىن ارنايى قوسىمشالار بار.

"مۇنداي قوسىمشالاردىڭ كەيبىرەۋلەرى ءار قۇلاقتىڭ ەستۋ قابىلەتىن بولەك انىقتاۋعا، ەستۋ قابىلەتىڭىزگە سايكەس كەلەتىن جاستى انىقتاۋعا مۇمكىندىك بەرەدى. مۇنداي قوسىمشانى تابۋ ءۇشىن ىزدەۋ جۇيەسىنە "ەستۋ سىناعى" دەپ ەنگىزۋ جەتكىلىكتى"، - دەدى سۋردولوگ.

سونىمەن قاتار، يانا شەرباكوۆا قاۋىپتى فاكتورلاردىڭ بولۋىن جانە اسەرىن باعالاۋعا كەڭەس بەردى، ونىڭ ىشىندە شۋلى جاعدايلاردا جۇمىس ىستەۋ، فيزيكالىق بەلسەندىلىكتىڭ جوعارىلاۋى، دۇرىس تاماقتانباۋ، الكوگول جانە تەمەكى شەگۋ، پاسسيۆتى دە، بەلسەندى دە، بەلگىلى ءبىر پرەپاراتتار مەن اۋرۋلارمەن اۋىرۋ كىرەدى.

Massaget.kz