سۋردليمپيادادا جۇلدە العان سپورتشىلار مەن باپكەرلەرگە 5,5 ميلليارد تەڭگە سىياقى تولەندى - مينيسترلىك
استانا. KAZINFORM – ق ر تۋريزم جانە سپورت مينيسترلىگى ۇكىمەت قاۋلىسىنا سايكەس رەزەرۆتەن حالىقارالىق ارەنادا جوعارى ناتيجەلەرگە قول جەتكىزگەن سپورتشىلار مەن جاتتىقتىرۋشىلاردى ىنتالاندىرۋ ءۇشىن شامامەن 5,5 ميلليارد تەڭگە بولىنگەنىن حابارلادى.
قاراجات 2025 -جىلى توكيودا وتكەن XXV جازعى سۋردليمپيادادا جۇلدە العان سپورتشىلار مەن ولاردىڭ جاتتىقتىرۋشىلارىن ماراپاتتاۋعا باعىتتالدى.
بارلىعى 32 سپورتشى مەن 42 جاتتىقتىرۋشى سىياقى الدى. تولەم مولشەرى قولدانىستاعى زاڭناماعا سايكەس بەلگىلەنگەن: التىن مەدال ءۇشىن - 130 ميلليون تەڭگە، كۇمىس مەدال ءۇشىن - 78 ميلليون تەڭگە، قولا مەدال ءۇشىن - 39 ميلليون تەڭگە. سونداي-اق 4-6-ورىن العان سپورتشىلارعا 2,5 ميلليون تەڭگەدەن 15 ميلليون تەڭگەگە دەيىن سىياقى تولەندى. سۋردليمپياداعا 81 ەلدەن شامامەن 3 مىڭ سپورتشى قاتىستى. قازاقستان قۇراماسى سپورتتىڭ سەگىز ءتۇرى بويىنشا ونەر كورسەتىپ، جالپىكوماندالىق ەسەپتە 9-ورىن الدى.
- ەل قورجىنىنا 25 مەدال ءتۇستى: 8 التىن، 4 كۇمىس جانە 13 قولا. تولەمدەردى جۇزەگە اسىرۋ تۋرالى شەشىم سپورتتى مەملەكەتتىك دەڭگەيدە جۇيەلى قولداۋدىڭ ءبىر بولىگى جانە جوعارى جەتىستىكتەر سپورتىن ودان ءارى دامىتۋعا، سونداي-اق قازاقستاننىڭ حالىقارالىق ارەناداعى بەدەلىن نىعايتۋعا باعىتتالعان، - دەلىنگەن حابارلامادا.
وسىعان دەيىن قازاقستان سپورتشىلارىنىڭ 4-10-مامىردا قانداي جارىستاردا باق سىنايتىنى تۋرالى جازدىق.
