«سەرگەك» مونوپوليزم جانە قۇلىبايەۆپەن سىبايلاستىق تۋرالى ايىپقا جاۋاپ بەردى
استانا. KAZINFORM - بۇعان دەيىن Telegram ارنالاردىڭ بىرىندە «سەرگەك» جوباسىنداعى مونوپوليانى الىپ تاستاۋ تالابىمەن پەتيتسيا جاريالانعانى تۋرالى مالىمەت تاراعان ەدى.
پەتيتسيا اۆتورلارىنىڭ جازۋىنشا، «سەرگەك» جوباسى 2017 -جىلى استانا قالاسىنىڭ بۇرىنعى اكىمى اسەت يسەكەشيەۆتىڭ باستاماسىمەن ىسكە قوسىلدى. جوبانى جۇزەگە اسىرۋ ءۇشىن ءۇش زاڭدى تۇلعا تاڭداپ الىنعان: «كوركەم تەلەكوم» ج ش س، «Open Technologies Group» ج ش س، «The One Capital» ج ش س.
«العاشقى ەكى كومپانيا ءبىر ادامعا - اسەت احمەتوۆكە تيەسىلى جانە ءبىر مەكەن جايدا تىركەلگەن. دەمەك، بۇل ق ر زاڭناماسىن بۇزۋ سانالادى. ويتكەنى، زاڭعا سايكەس، ەكى بىردەي اففيليرلەنگەن جەكە سەرىكتەستى تاڭداۋ كونكۋرسىنا قاتىسا المايدى»، - دەلىنگەن پەتيتسيادا.
Kazinform اگەنتتىگىنىڭ رەسمي ساۋالىنا كومپانيا جاۋاپ بەرىپ، «سەرگەكتىڭ» مونوپوليست ەمەستىگىن مالىمدەدى.
«Sergek Group جول قاۋىپسىزدىگىن قامتاماسىز ەتۋ جونىندەگى قىزمەتتەر ۇسىناتىن سالادا مونوپوليست ەمەس جانە بولۋى دا مۇمكىن ەمەس. ءبىزدىڭ بىلۋىمىزشە، قازىرگى ۋاقىتتا قازاقستاندا اكىمشىلىك قۇقىق بۇزۋشىلىقتاردىڭ ءبىرىڭعاي ءتىزىلىمىنىڭ پروتسەسسينگ ورتالىعىنا قوسىلعان 40 تان استام ءتۇرلى اپپاراتتىق- باعدارلامالىق كەشەن (وتاندىق جانە شەتەلدىك) جۇمىس ىستەپ تۇر»، - دەپ جاۋاپ بەردى كومپانيادان.
سونىمەن قاتار كومپانيانىڭ مەنشىك يەسى بولۋ مۇمكىن تۇلعاعا قاتىستى دا اقپارات بار.
«سونىمەن قاتار «Respublica.kz» سايتىنىڭ ينسايدەرلىك دەرەكتەرىنە سايكەس، «سەرگەك» جوباسىنىڭ تاساسىندا تيمۋر ق ۇلىبايەۆتىڭ ۇلى التاي ق ۇلىبايەۆ تۇر»، - دەلىنگەن پەتيتسيا ماتىنىندە.
بۇل ايىپتاۋعا دا «سەرگەك» كومپانياسىنان جاۋاپ بەرىپ، ناقىت بەنەفيتسيارلار كىم ەكەنىن مالىمدەدى.
«Sergek Group كومپانيالار توبىنا ءتۇرلى كومپانيا كىرەدى. ولاردىڭ قاتارىندا قازاقستان IT- جوبالاردى جۇزەگە اسىراتىن «كوركەم تەلەكوم»، software جانە hardware ماماندارىن بىرىكتىرەتىن «Sergek Technologies»، شەشىمدەرىمىزدى ەكسپورتتايتىن «Sergek Projects» جانە باسقالارى بار. Sergek Group نەگىزىن قالاۋشى، يەسى جانە باستى بەنەفيتسيارلارى - قازاقستاندىقتار، اعايىندى قايرات پەن اسەت احمەتوۆتەن. سونىمەن قاتار ءسال بۇرىنىراق كومپانيا تيمۋر تۋرلوۆتان ينۆەستيتسيا تارتتى. بۇل بولاشاقتا ونىڭ كومپانيا اكسيونەرلەرى قاتارىنا قوسىلۋىنا مۇمكىندىك بەرەدى»، - دەدى «سەرگەك» كومپانياسىنان.
