سەناتور زەينەتاقى جيناعىن تولەۋ كەزىندەگى سالىقتى جويۋدى ۇسىندى

سەناتور بەكبولات ورىنبەكوۆ ءوزىنىڭ دەپۋتاتتىق ساۋالىندا زەينەتاقى جيناعىن تولەۋ كەزىندە جەكە تابىس سالىعىن (ج ت س) ۇستاۋدى جويۋ تۋرالى ماسەلەنى قاراۋدى ۇسىندى، دەپ حابارلايدى Kazinform.

دەپۋتاتتىڭ ايتۋىنشا، ب ج ز ق- دان زەينەتاقى تولەمدەرىنە قازىر %10 جەكە تابىس سالىعى سالىنادى. ازاماتتار ءوز جيناقتارىنىڭ ءبىر بولىگىن قازىر تۇرعىن ءۇي ساتىپ الۋ نەمەسە ەمدەلۋ ءۇشىن پايدالانا الادى. بۇل رەتتە، اقشا العان كەزدە بىردەن نەمەسە زەينەتكەرلىك جاسقا تولعاننان كەيىن اي سايىن تەڭ ۇلەسپەن سالىق تولەگەننەن كەيىن جۇزەگە اسۋى ءتيىس.

«ب ج ز ق- دان جاسىنا بايلانىستى زەينەتاقى تولەمدەرى مەن ارنايى الەۋمەتتىك تولەمدەر تۇرعىن ءۇي جاعدايىن جاقسارتۋ، ەمدەلۋگە اقى تولەۋ ماقساتىندا ءبىرجولعى زەينەتاقى تولەمىن الۋ كەزىندە تۋىندايتىن كەيىنگە قالدىرىلعان ج ت س سوماسىنا تۇزەتىلۋى ءتيىس. وسى تۇزەتۋدىڭ سالدارىنان زەينەتاقى تولەمى مولشەرىنىڭ ەداۋىر ازايۋ قاۋپى بار. ال كەيبىر جاعدايدا ونىڭ مولشەرى ەڭ تومەنگى زەينەتاقى مولشەرىنەن دە از بولادى. مۇنىڭ ءبارى زەينەتاقى تولەمدەرىن الۋشىلار جاعىنان الەۋمەتتىك شيەلەنىس پەن نارازىلىقتىڭ تۋىنداۋىنا اكەلۋى مۇمكىن»، - دەدى بەكبولات ورىنبەكوۆ.

سەناتور وسىعان بايلانىستى ءوز ۇسىنىسىن جولدادى. ولاردىڭ باستىسى - زەينەتاقى جيناعىن تولەۋ كەزىندە جەكە تابىس سالىعىن ۇستاماۋ.

«ب ج ز ق- دان زەينەتاقى تولەمى زەينەتكەرلەر مەن قازاقستان حالقى ءۇشىن الەۋمەتتىك ماڭىزدى ماسەلە سانالادى. وسى رەتتە، زەينەتاقى تولەمىنەن سالىق ءتۇرىن ۇستاپ قالۋ زەينەتاقى سوماسىن ازايتادى، بۇل قازىرگى نارىقتىق جاعدايدا ايتارلىقتاي ماڭىزدى ماسەلە. سەبەبى زەينەتاقى قورىنان تۇسەتىن تولەمدەر - زەينەتكەرلەر ءۇشىن نەگىزگى تابىستىڭ ءبىرى. بۇل تۇرعىدا بولاشاق زەينەتكەرلەردىڭ ءال-اۋقاتىنا وڭ ىقپال ەتۋ ماقساتىندا بارلىق زەينەتاقى جيناعىن تولەۋ كەزىندە ج ت س ۇستاپ قالۋدى جويۋ تۋرالى ماسەلەنى قاراۋ ۇسىنىلادى»، - دەدى سەناتور.