سەناتور الماتىدا توبەلەسكەن شەتەلدىكتەر تۋراسىندا: ولار ەندى ەلىمىزگە كەلە المايدى

استانا. KAZINFORM - سەناتور مارات قوجايەۆ الماتىدا جانجالعا قاتىسقان ءۇندىستاندىق ستۋدەنتتەردى دەپورتاتسيالاۋعا قاتىستى پىكىر ايتتى.

- شەتەلدەن كەلگەن مەيماندار ءبىزدىڭ ەلدىڭ زاڭدارىنا، تارتىبىنە جانە سالت-داستۇرىنە قۇرمەتپەن قاراۋى كەرەك. وسىنداي تالاپتار جالپى الەمدىك تاجىريبەدە ەسكەرىلگەن، ياعني كەز كەلگەن مەملەكەتتە بولعان كەزدە، سول ەلدىڭ زاڭناماسىن ورىندايمىز. اتاپ ايتقاندا، زاڭ تالاپتارى بۇزىلسا، ءبىزدىڭ زاڭناماعا سايكەس شەتەلدىكتەر دەپورتاتسيالانادى. ولاردىڭ وسىندا زاڭدى وقۋدا جۇرگەن قۇجاتتارىنىڭ كۇشى جويىلادى. بۇل شەتەلدىكتەر الداعى بەس جىلدا ەل اۋماعىنا كىرە المايدى، - دەدى م. قوجايەۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

بۇدان بۇرىن حابارلانعانداي، جاقىندا عىلىم جانە جوعارى ءبىلىم ءمينيسترى ساياسات نۇربەك الماتىدا جاپپاي توبەلەس شىعارعان ءۇندىستاندىق ستۋدەنتتەر تۋرالى پىكىر ءبىلدىردى.

جانجالعا تەك قانا ءۇندىستاندىق ستۋدەنتتەر قاتىسقان، قازاقستاندىق ستۋدەنتتەردىڭ قاتىسى جوق.