سەنات «قازاقستان حالىق جازۋشىسى» اتاعىن قايتاراتىن زاڭدى ماقۇلدادى

 بۇگىن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ناگرادالار، مەملەكەتتىك اۆياتسيا، قورعانىس ونەركاسىبى جانە مەملەكەتتىك قورعانىستىق تاپسىرىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى ماقۇلداندى، دەپ حابارلايدى Kazinform ءتىلشىسى. 

сенат
Фото: Фото: Сенат

اتالعان زاڭدا «قازاقستان رەسپۋبليكاسىنىڭ مەملەكەتتىك ناگرادالارى تۋرالى»، «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى»، سونداي-اق «قورعانىس ونەركاسىبى جانە مەملەكەتتىك قورعانىستىق تاپسىرىس تۋرالى» زاڭدارعا تۇزەتۋلەر ەنگىزىلىپ، جەتىلدىرۋ كوزدەلگەن.

«بىرىنشىدەن، مەملەكەت باسشىسىنىڭ 2023 -جىلعى 17-ماۋسىمداعى «ادىلەتتى قازاقستان - ادال ازامات» تاقىرىبىندا وتكەن ۇلتتىق قۇرىلتايدىڭ ەكىنشى وتىرىسىندا «حالىق جازۋشىسى» اتاعىن قايتارۋ تۋرالى تاپسىرماسىنا سايكەس، «قازاقستان رەسپۋبليكاسىنىڭ مەملەكەتتىك ناگرادالارى تۋرالى» زاڭعا وزگەرىستەر ەنگىزۋ ەسكەرىلگەن. «قازاقستاننىڭ حالىق جازۋشىسى» اتاعى - ەلىمىزدىڭ ادەبيەتىن دامىتۋعا ەرەكشە ۇلەس قوسقان، بۇرىن «قازاقستاننىڭ ەڭبەك سىڭىرگەن قايراتكەرى» جانە قازاقستان رەسپۋبليكاسى مەملەكەتتىك سىيلىعىنىڭ لاۋرەاتى اتانعان تۇلعالارعا بەرىلەتىن بولادى. سونداي-اق، ۇلت ادەبيەتىن جاڭا دەڭگەيگە كوتەرگەن، ادەبي شىعارماشىلىق ورتانىڭ ەڭ جوعارعى سىيلىعى بولادى»، - دەدى سەناتور گەننادي شيپوۆسكيح.

قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» زاڭعا تۇزەتۋلەر ارقىلىن مەملەكەتتىك اۆياتسيا سالاسىنداعى ۋاكىلەتتى ورگاننىڭ مەملەكەتتىك اۆياتسيادا ۇشۋ جۇمىسىن ۇيىمداستىرۋ جونىندەگى، مەملەكەتتىك اۆياتسياداعى اۋە ساپارىن وبەكتيۆتى تۇردە باقىلاۋدى ۇيىمداستىرۋ جونىندەگى جانە قازاقستان رەسپۋبليكاسى مەملەكەتتىك اۆياتسياسى پەرسونالىنىڭ سىنىپتىق دارەجەسىن بەرۋ تۋرالى نۇسقاۋلىقتاردى ازىرلەۋ جانە بەكىتۋ قۇزىرەتى بەكىتىلەدى.

«بۇدان بولەك، مەملەكەتتىڭ كۇش قۇرىلىمدارى سانالاتىن مەملەكەتتىك تاپسىرىس بەرۋشىلەر قارۋ-جاراقتىڭ، اسكەري تەحنيكانىڭ، باسقا دا اسكەري مۇلىكتىڭ، سونداي-اق جۇمىستار مەن قىزمەتتەردىڭ زاماناۋي ۇلگىلەرىن الۋعا مۇددەلى. سوندىقتان ءوندىرىستى جاڭعىرتۋ، ۇسىنىلاتىن تاۋارلار مەن قىزمەتتەردىڭ ساپاسىن جاقسارتۋ، جەرگىلىكتى قامتۋ ۇلەسىن ارتتىرۋ قورعانىس ونەركاسىبى ءۇشىن دە، مەملەكەتتىك قورعانىس تاپسىرىسى ءۇشىن دە ماڭىزدى. بۇدان وزگە، زاڭدا قورعانىس ونەركاسىبى ءارى مەملەكەتتىك قورعانىس تاپسىرىسى سالاسىنداعى ۋاكىلەتتى ورگاننىڭ وق- دارىلەر مەن جارىلعىش زاتتاردى كادەگە جاراتۋ وبەكتىلەرىنىڭ وندىرىستىك قىزمەتىن ۇيىمداستىرۋ، وسى جۇمىستاردى جۇرگىزۋ كەزىندە قاۋىپسىزدىكتى قامتاماسىز ەتۋ جانە وق- دارىلەر مەن جارىلعىش زاتتاردى كادەگە جاراتۋ وبەكتىلەرىن كۇزەتۋ جونىندەگى قاعيدالاردى ازىرلەۋ، سونداي- اق بەكىتۋ بولىگىندە قۇزىرەتى ناقتىلانعان. قارۋ-جاراق پەن اسكەري تەحنيكانى جەدەل قالپىنا كەلتىرۋ ماقساتىندا زاڭدا قوسالقى بولشەكتەردى ساتىپ الۋ ءراسىمىن وڭايلاتۋ جانە ولاردى مەملەكەتتىك ساتىپ الۋ ءراسىمى ارقىلى وتكىزۋ ۇسىنىلعان»، - دەدى سەناتور.

ايتا كەتەيىك، بيىل ماۋسىم ايىندا ۇلتتىق قۇرىلتايدىڭ نەگىزگى وتىرىسىندا پرەزيدەنت قاسىم-جومارت توقايەۆ «قازاقستاننىڭ حالىق جازۋشىسى» اتاعىن قايتارۋدى تاپسىرعان ەدى.

اۆتور

رۋسلان عابباسوۆ

سوڭعى جاڭالىقتار