سەنات جاڭارتىلاتىن ەنەرگيا كوزدەرىنە قاتىستى زاڭدى ماقۇلدادى

استانا. KAZINFORM - بۇگىن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جاڭارتىلاتىن ەنەرگيا كوزدەرىن پايدالانۋدى قولداۋ جانە ەلەكتر ەنەرگەتيكاسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى ەكى وقىلىمدا قارالىپ، ماقۇلداندى.

Энергетика
Фото: Pixabay.com

«زاڭ جاڭارتىلاتىن ەنەرگيا كوزدەرى سالاسىن جەتىلدىرۋگە باعىتتالعان.

«قازاقستان رەسپۋبليكاسىنىڭ جاسىل ەكونوميكاعا كوشۋ تۇجىرىمداماسىنا» سايكەس، ەلىمىز 2030 -جىلعا قاراي جالپى ەلەكتر ەنەرگياسىن وندىرۋدەگى جاڭارتىلاتىن ەنەرگيا كوزدەرىنىڭ ۇلەسىن 10 پايىزعا جەتكىزۋى ءتيىس جانە 2050 -جىلعا قاراي جالپى ەلەكتر ەنەرگياسىن وندىرۋدەگى بالامالى ءارى جاڭارتىلاتىن ەنەرگيا كوزدەرىنىڭ %50 ۇلەسىنە جەتۋى قاجەت. دەگەنمەن، ۇلتتىق دەرەكتەرگە سايكەس، 2023 -جىلدىڭ قورىتىندىسى بويىنشا قازاقستاندا جاڭارتىلاتىن ەنەرگيانىڭ ۇلەسى وندىرىلگەن ەلەكتر ەنەرگياسىنىڭ تەك 6 پايىزىن قۇرادى. قاراستىرىپ وتىرعان زاڭدى قابىلداۋ وسى سالاعا وڭ اسەرىن تيگىزەتىنى ءسوزسىز»، - دەدى سەناتور الىبەك ناۋتيەۆ.

اتاپ ايتقاندا، زاڭ ەلەكتر ەنەرگياسىن ساتاتىن جەكە تۇلعالاردىڭ نەتتو-تۇتىنۋشى رەتىندە جەكە كاسىپكەر بولىپ تىركەلۋ مىندەتىن جويادى. بۇل نورما جاڭارتىلاتىن ەنەرگيانى پايدالانۋشىلاردىڭ سانىن ارتتىرۋعا، سونداي- اق ەلەكتر جەلىلەرىنە جۇكتەمەنى ازايتۋعا مۇمكىندىك بەرەدى.

سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ مالىمەتىنشە، «نەتتو- تۇتىنۋشى» ۇعىمى ناقتىلانادى -جاڭارتىلاتىن ەنەرگيا كوزدەرىن پايدالاناتىن اۋقىمى شاعىن وبەكتىدەن ەلەكتر ەنەرگياسىن جانە جىلۋ ەنەرگياسىن ءوزىنىڭ تولىق ءارى ءىشىنارا تۇتىنۋىن قامتاماسىز ەتەتىن جەكە نەمەسە زاڭدى تۇلعا.

سونىمەن بىرگە، ەنەرگيامەن جابدىقتاۋشى ۇيىمنىڭ نەتتو-تۇتىنۋشىلاردان ەلەكتر ەنەرگياسىن ساتىپ الۋ جونىندەگى مىندەتتەمەلەرى، ەنەرگيا بەرۋشى ۇيىمداردىڭ نەتتو- تۇتىنۋشىلاردى ەلەكتر جەلىلەرىنە قوسۋ جونىندەگى مىندەتتەمەلەرى زاڭنامالىق دەڭگەيدە بەكىتىلەدى. نەتتو- تۇتىنۋشىلاردى ەلەكتر ەنەرگياسىن بەرگەنى ءۇشىن تولەمنەن بوساتۋ ەسكەرىلگەن، سونداي- اق شاعىن گيدروەلەكتر ستانتسيالارىنا (10 م ۆ ت دەيىن) ەلەكتر ەنەرگياسىن شەكتى تاريف بويىنشا ساتۋ قۇقىعى بەرىلەدى.

«بۇدان باسقا، كوممۋنالدىق مەنشىكتەگى وڭىرلىك ەلەكتر جەلىلەرى كومپانياسىنىڭ جەلىلەرىن بيۋدجەت قاراجاتى ەسەبىنەن كرەديتتەۋ، رەكونسترۋكتسيالاۋ جانە جاڭعىرتۋ مۇمكىندىكتەرىن زاڭنامالىق تۇرعىدان بەكىتۋ ەنەرگەتيكا سالاسىنىڭ ينفراقۇرىلىمىن جاڭارتۋعا ىقپال ەتەدى. زاڭنىڭ نورمالارى جىلۋ ەلەكتر ستانتسيالارىن جاڭعىرتۋ ءتارتىبىن جەتىلدىرۋگە باعىتتالعان. ينۆەستيتسيالىق تارتىمدىلىقتىڭ تومەندىگىنە بايلانىستى جىلۋمەن جابدىقتاۋ سەكتورىنداعى قازىرگى جاعدايدى، تاريفتەردى كوتەرۋدىڭ وتكىر الەۋمەتتىك ماڭىزدىلىعىن جانە رەسپۋبليكالىق ماڭىزى بار قالالارداعى ەكولوگيالىق احۋالدىڭ ناشارلاۋىن ەسكەرىپ، سونداي-اق ينۆەستيتسيالىق كەلىسىمدەر اياسىندا جابدىقتاردى گازعا اۋىستىرا وتىرىپ، جىلۋ ەلەكتر ستانتسيالارىن جاڭعىرتۋ مۇمكىندىكتەرى قامتاماسىز ەتىلەدى»، - دەدى دەپۋتات.

زاڭدى قابىلداۋدىڭ وڭ اسەرلەرىنىڭ قاتارىنا مىنالاردى اتاپ ايتۋعا بولادى:

- كۇندەلىكتى ومىردە جاڭارتىلاتىن ەنەرگيا كوزدەرىن بەلسەندى ەنگىزۋ،

- جاڭا جۇمىس ورىندارىن قۇرۋ،

- جەلىلىك ينفراقۇرىلىمدى ودان ءارى دامىتۋ،

- ەلدىڭ ەنەرگەتيكا سەكتورىنا ينۆەستيتسيالار تارتۋعا ىقپال ەتۋ.

سوڭعى جاڭالىقتار