سەنات ءتوراعاسى ماۋلەن اشىمبايەۆ رەسمي ساپارمەن قىتايعا باردى
استانا. KAZINFORM - بۇگىن بەيجىڭدە قازاقستان پارلامەنتى سەناتىنىڭ سپيكەرى ماۋلەن اشىمبايەۆ بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى جاۋ لىجيمەن كەزدەستى، دەپ حابارلايدى Kazinform اگەنتتىگى.

كەزدەسۋ بارىسىندا دا ماۋلەن اشىمبايەۆ سەنات پارلامەنتى مەن بۇكىل قىتايلىق حالىق وكىلدەرى جينالىسى اراسىنداعى ىنتىماقتاستىقتى نىعايتۋ ماسەلەلەرىنە توقتالدى. تاراپتار ونەركاسىپ، ەنەرگەتيكا، كولىك، «جاسىل» ەكونوميكا، اۋىل شارۋاشىلىعى جانە وزگە دە باعىتتارداعى بىرلەسكەن ينۆەستيتسيالىق جوبالاردى ىسكە اسىرۋ جونىندە پىكىر الماستى.
- قازاقستان مەن قىتاي ترانسكاسپي حالىقارالىق كولىك باعىتىن دامىتۋ بويىنشا ىنتىماقتاستىقتى جالعاستىرىپ كەلەدى. بۇگىندە بۇل باعىت ازيا مەن ەۋروپا اراسىنداعى جەتكىزۋ تىزبەگىنىڭ قاۋىپسىزدىگىن ءتيىمدى قامتاماسىز ەتەدى. قازاقستان مەن قىتاي اراسىندا «اياگوز- تاچەن» ءۇشىنشى تەمىر جولىنىڭ قۇرىلىسى باستالىپ جاتىر. سونداي- اق ءۇشىنشى شەكارالىق تەمىرجول وتكىزۋ پۋنكتىن اشۋ جوسپارلانىپ وتىر. ورتا ءدالىزدىڭ الەۋەتىن نەعۇرلىم بەلسەندى پايدالانۋ ەلدەرىمىز اراسىنداعى ترانزيتتىك- كولىكتىك ىنتىماقتاستىقتى كەڭەيتۋگە ىقپال ەتەتىنى ءسوزسىز، - دەدى ماۋلەن اشىمبايەۆ.
سۇحبات كەزىندە جاۋ لىجي ەكى مەملەكەتتىڭ باسشىلارى بەلگىلەپ بەرگەن مىندەتتەردى بىرلەسىپ ىسكە اسىرۋعا دايىن ەكەنىن ءبىلدىرىپ، «ءبىر بەلدەۋ - ءبىر جول» باستاماسى اياسىنداعى جانە باسقا دا بىرلەسكەن جوبالاردى ىسكە اسىرۋ پەرسپەكتيۆالارىن جوعارى باعالادى.
«ءبىر بەلدەۋ - ءبىر جول» جوباسىن 140 مەملەكەت قولداپ وتىرعانىن جازعان بولاتىنبىز.