22:57, 05 - ناۋرىز 2025 | GMT +5
سەمەيدەگى ەسكى كوپىر اپاتتى جاعدايدا تۇر: قوزعالىسقا شەكتەۋ قويىلدى
سەمەي. KAZINFORM - سەمەيدەگى ەسكى كوپىردىڭ اپاتتى جاعدايدا تۇرعانى انىقتالدى. بۇل تۋرالى اباي وبلىسى پوليتسيا دەپارتامەنتى حابارلادى.
ساراپتامالىق تەكسەرۋ ناتيجەسىندە كوپىردىڭ اسا جوعارى جۇكتەمەگە ۇشىراپ، اپاتتى جاعدايدا تۇرعانى انىقتالدى.
- قاۋىپسىزدىك - ءبىزدىڭ باستى باسىمدىعىمىز. وسىعان بايلانىستى كوپىردىڭ تۇتاستىعى مەن ادامداردىڭ ءومىرىن ساقتاۋ ماقساتىندا ماڭىزدى شارالار قابىلداندى، - دەدى سەمەي قالاسى پوليتسيا باسقارماسىنىڭ باستىعى پوليتسيا پولكوۆنيگى قايرات ابدىعاليەۆ.
ەندى كولىك قوزعالىسى ءتورت جولاقتىڭ ورنىنا ەكى جولاقپەن جۇزەگە اسىرىلادى. بۇل شارا كولىك اعىنىن تەڭ بولۋگە جانە قۇرىلىمعا تۇسەتىن جۇكتەمەنى ازايتۋعا باعىتتالعان.
ايتا كەتەلىك سەمەيدەگى اسپالى كوپىرگە زاقىم كەلگەنى تۋرالى حابارلاعان ەدىك.
