سەمەيدە ەرتىس وزەنىنىڭ سۋ دەڭگەيى كوتەرىلىپ كەتتى

سەمەي. KAZINFORM - سەمەي قالاسىندا ەرتىس وزەنىندە سۋ دەڭگەيى كوتەرىلگەن. وسىعان بايلانىستى اباي وبلىسىنىڭ اكىمى نۇرلان ۇرانحايەۆتىڭ توراعالىعىمەن توتەنشە جاعدايلاردىڭ الدىن الۋ جانە جويۋ جونىندەگى كوميسسيانىڭ وتىرىسى ءوتتى.

سۋ دەڭگەيىنىڭ كوتەرىلۋىنە بايلانىستى قۇزىرلى ورگاندار بارلىق ءتيىستى جۇمىستى جۇرگىزۋدە. قازىر سۋ دەڭگەيى 471 س م، سىرتقى اۋا تەمپەراتۋراسى 10- گرادۋس.

اباي وبلىسىنىڭ ت ج د بارلىق جەكە قۇرامى كۇشەيتىلگەن رەجيمگە كوشتى. سۋ دەڭگەيى كوتەرىلگەن جاعدايدا بەيبىتشىلىك ارالىنداعى تۇرعىنداردى ەۆاكۋاتسيالاۋ ورىندارى، ءۇي جانۋارلارىن ورنالاستىراتىن جەرلەر انىقتالدى.

«جاعداي باقىلاۋعا الىندى. قۇتقارۋشىلار تۇرعىندارعا قاجەتتى كومەك كورسەتۋگە تولىقتاي دايىن بولۋى قاجەت. حالىقتىڭ قاۋىپسىزدىگىن قامتاماسىز ەتۋ - ءبىزدىڭ باستى مىندەتىمىز»، - دەدى نۇرلان ۇرانحايەۆ.

وتىرىس قورىتىندىسى بويىنشا حالىقتىڭ قاۋىپسىزدىگىن قامتاماسىز ەتۋگە باعىتتالعان حاتتاما دايىندالىپ، جاۋاپتى مەكەمەلەرگە جولداندى.