سەمەيدە ماس ادام كوشەدە وقۋشىعا تاپ بەرگەن

سەمەي قالاسىندا كوشەدە وقۋشى قىزعا تاپ بەرگەن ەر ادامعا قاتىستى ءىس قوزعالدى، دەپ حابارلايدى Kazinform.

اباي وبلىسى پوليتسيا دەپارتامەنتىنىڭ مالىمەتىنە سۇيەنسەك، وقيعا 7-جەلتوقسان كۇنى بولعان. ۋچاسكەلىك پوليتسيا ينسپەكتورى رىمعالي جيبرايەۆ كوشەدە قىزدىڭ ايقايىن ەستىپ قالىپ، لەزدە ارەكەت ەتتى.

اۋا رايى جاعدايلارى كوشە ويىندارى ءۇشىن مۇلدەم قولايسىز بولىپ تۇرعانىن ەسكەرگەن پوليتسەي بالاعا قانداي دا ءبىر قاۋىپ ءتونىپ تۇرعانىن ءتۇسىندى. ايقاي شىققان جەردى انىقتاعاننان كەيىن ءتارتىپ ساقشىسى كوشەگە جۇگىرىپ شىعىپ، كىشكەنتاي قىزدى قولىندا ۇستاپ تۇرعان ادامدى كوردى. سودان كەيىن وعان جاقىنداپ، بالانى الىپ كەتتى. قىزدىڭ قولىنان ۇستاعان پوليتسيا قىزمەتكەرى ونىڭ جانىندا بولاتىنىن جانە ەش رەنجىتپەيتىنىن ءتۇسىندىردى.

«ءبىر قولمەن ەر ادامدى پوليتسيا پۋنكتىنە اپارىپ، ەكىنشى قولىممەن بالانىڭ قولىن ۇستاپ تۇردىم»، - دەيدى ۋچاسكەلىك پوليتسەي.

بالانىڭ سەمەي قالاسىنداعى مەكتەپتەردىڭ بىرىندە 6-سىنىپتا وقيتىنى بەلگىلى بولدى. قاراعايلى شاعىن اۋدانىنداعى ۇيلەردىڭ ءبىرىنىڭ جانىنان ءوتىپ بارا جاتقاندا وعان بەلگىسىز بىرەۋ شابۋىل جاساعان.

- جۇرگىزىلگەن مەديتسينالىق كۋالاندىرۋعا سايكەس، ۇستالعان ەر ادام «ورتاشا دارەجەدەگى» ماس كۇيدە بولعان. پوليتسيا لەيتەنانتى رىمعالي جيبرايەۆتىڭ ۋاقتىلى ارەكەت ەتۋىنىڭ ارقاسىندا بالا زارداپ شەككەن جوق جانە اتا-اناسىنا تاپسىرىلدى. قازىرگى ۋاقىتتا سوتقا دەيىنگى تەرگەۋ امالدارى باستالدى، - دەلىنگەن اقپاراتتا.

اۆتور

تالعاتجان مۇحامەتبەك ۇلى