سەمەيدە كۇيەۋىمەن جانجالداسىپ، وزىنە قول جۇمساماق بولعان ايەل قۇتقارىلدى
سەمەي. KAZINFORM - سەمەي قالاسىندا كۇيەۋىمەن جاندالداسىپ وزىنە قول جۇمساماق بولعان ايەل قۇتقارىلدى.
ۇلتتىق ۇلاننىڭ «شىعىس» وڭىرلىك قولباسشىلىعى باسپاءسوز قىزمەتىنىڭ مالىمەتىنە سۇيەنسەك، ساربازدار 3-ساۋىردە ساعات 21.04 شاماسىندا قالاداعى دۋلاتوۆ كوشەسىنىڭ بويىن پاترۋلدەپ جۇرگەن. سول كەزدە ولار 6-قاباتتىڭ تەرەزەسىنەن سەكىرىپ كەتەيىن دەپ تۇرعان ايەلدى بايقاپ قالعان.
«5511 اسكەري ءبولىمىنىڭ پاترۋلدىك توبىنىڭ باستىعى، ەفرەيتور ماراتجان اكراموۆ قاسىنداعى ساربازدارمەن بىرگە سول جاققا جۇگىرگەن. پودەز ىشىنە كىرىپ، التىنشى قاباتقا كوتەرىلدى. پاتەر ەسىگىن ايەلمەن ازاماتتىق نەكەدە تۇرعان ەر ادام اشقان»، - دەلىنگەن اقپاراتتا.
ەفرەيتور ايەلدىڭ ماس ەكەنىن بايقادى. ونى اڭگىمەگە تارتىپ، اقىرىنداپ قاسىنا تاياپ، لەزدە تەرەزەدەن ءتۇسىرىپ الدى.
كەيىن بەلگىلى بولعانداي، ايەل ادام جۇبايىمەن جانجالداسىپ قالعاننان كەيىن ءوز- وزىنە قول جۇمساماق بولعان.
