سەمەي ورمانى ورتىنە كىنالى شەنەۋنىكتەر جازالاندى ما
سەمەي ورمانى رەزەرۆاتىنداعى الاپات ورتتەن كەيىن مەملەكەت باسشىسى ورتكە جول بەرگەن جاۋاپتى تۇلعالاردى جازالاۋدى تاپسىردى. وسى ورايدا ەكولوگيا جانە تابيعي رەسۋرستار مينيسترلىگى قانشا شەنەۋنىككە قانداي جازا قولدانىلعانى تۋرالى مالىمەتپەن ءبولىستى، دەپ حابارلايدى Kazinform.

«قازاقستان رەسپۋبليكاسى پرەمەر- ءمينيسترىنىڭ 2023 -جىلعى 14-شىلدەدەگى № 109-وكىمىمەن اباي وبلىسىندا ورمان ورتىنە ءتيىستى دەن قويۋ جانە ونى جويۋدى ۇيىمداستىرۋدى قامتاماسىز ەتپەگەنى ءۇشىن جۇكتەلگەن مىندەتتەردى تيىسىنشە ورىنداماعانى ءۇشىن ەكولوگيا جانە تابيعي رەسۋرستار ءبىرىنشى ۆيتسە-ءمينيسترى ن. ك. شاربيەۆكە «سوگىس» جاريالاندى. ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ ءتوراعاسى ن. ن. قىلىشبايەۆپەن ەڭبەك شارتى توقتاتىلدى (2023 -جىلعى 14-شىلدەدەگى № 238)، كوميتەت ءتوراعاسىنىڭ ورىنباسارى ە. ن. قۇتپانبايەۆقا «قاتاڭ سوگىس» جاريالاندى (2023 -جىلعى 12-قىركۇيەكتەگى №194) جانە اباي وبلىسى بويىنشا ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى م. م. ەلەمەسوۆكە «قاتاڭ سوگىس» تارتىپتىك جازا قولدانىلدى (2023 -جىلعى 8-قىركۇيەكتەگى № 189)»، - دەگەن جاۋاپ الدىق مينيسترلىكتەن رەسمي ساۋالعا.
سونداي-اق ۆەدومستۆو توتەنشە جاعدايلار ءمينيسترى جانە ۆيتسە-مينيستر لاۋازىمىنان بوساتىلعانىن ءمالىم ەتتى.
ودان بولەك، اباي وبلىسى توتەنشە جاعدايلار دەپارتامەنتىنەن 5 لاۋازىمدى تۇلعا تارتىپتىك جاۋاپكەرشىلىككە تارتىلعان.