سەمەي قالاسى اكىمىنىڭ ورىنباسارى اۋىستى
استانا. KAZINFORM - سەمەي قالاسى اكىمىنىڭ ورىنباسارى بولىپ قۋانىش ابىلدايەۆ تاعايىندالدى، دەپ حابارلايدى قالا اكىمدىگىنىڭ باسپا ءسوز قىزمەتى.
قۋانىش ابىلدايەۆ 1989-جىلى قىزىلوردا وبلىسىندا دۇنيەگە كەلگەن. ول 2011-جىلى قازاق گۋمانيتارلىق زاڭ ۋنيۆەرسيتەتىن «قۇقىق تانۋ» ماماندىعى، ال 2014-جىلى قورقىت اتا اتىنداعى قىزىلوردا مەملەكەتتىك ۋنيۆەرسيتەتىن «ەكونوميكا» ماماندىعى بويىنشا ءتامامداعان.
ەڭبەك جولىن 2009-جىلى قىزىلوردا وبلىسى، سىرداريا اۋداندىق سوتىندا جەتەكشى مامان رەتىندە باستاعان. 2009-جىلى قىزىلوردا وبلىسى، جالاعاش اۋداندىق سوتىندا باس مامانى، 2011-2016-جىلدارى قىزىلوردا وبلىسىنىڭ سوت اكتىلەرىن ورىنداۋ دەپارتامەنتىندە مەملەكەتتىك سوت ورىنداۋشى، ق ر مەملەكەتتىك قىزمەت ىستەرى اگەنتتىگىنىڭ قىزىلوردا وبلىسى بويىنشا باسقارماسىندا كونسۋلتانت، كونسۋلتانت-ينسپەكتور قىزمەتتەرىن اتقاردى.
2016-2019-جىلدارى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتىندە مەملەكەتتىك قىزمەت سالاسىنداعى باقىلاۋ باسقارماسىنىڭ باسشىسى بولدى.
2019-جىلدان وسى ۋاقىتقا دەيىن قىزىلوردا وبلىسىنىڭ ىشكى ساياسات باسقارماسى باسشىسىنىڭ ورىنباسارى لاۋازىمىن اتقاردى.
2025-جىلدىڭ ناۋرىز ايىنان باستاپ سەمەي قالاسى اكىمىنىڭ ورىنباسارى بولىپ تاعايىندالدى.
بۇعان دەيىن قازاقستان فۋتزال قاۋىمداستىعىنىڭ باس حاتشىسى تاعايىندالعانىن جازدىق.
