15:58, 29 - قىركۇيەك 2023 | GMT +5
سەمسەرلەسۋ: قازاقستاندىقتار ازيادا «التىنىنا» تالاسادى
سەمسەرلەسۋدەن قازاقستان قۇراماسى حاڭجوۋدا ءوتىپ جاتقان جازعى ازيا ويىندارىندا كوماندالىق جارىستا جارتىلاي فينالدا ونەر كورسەتتى، دەپ حابارلايدى قازاقپارات اگەنتتىگى Sports.kz پورتالىنا سىلتەمە جاساپ.

قۇرامىندا ەلميرا ءالىمجانوۆا، رۋسلان قۇربانوۆ، ۆاديم شارلايموۆ پەن ەرلىك سەرتاي (زاپاستاعى ويىنشى) بار سەمسەرلەسۋشىلەر فينال جولداماسىن يەلەنۋ ءۇشىن گونكونگ كومانداسىمەن كۇش سىناستى. بارلىق جەكپە-جەك قورىتىندىسى بويىنشا 45:30 ەسەبىمەن قازاقستان وكىلدەرى جەڭىسكە جەتتى.
ەندى ولار فينالدا «التىنعا» تالاسادى. ال گونكونگ كومانداسى قولا جۇلدەنى قاناعات تۇتتى. شەشۋشى ويىن استانا ۋاقىتىمەن 16:35 تە وتەدى دەپ جوسپارلانعان.