باكۋ تۇرعىندارى ەندى كوشەگە SMS رۇقسات ارقىلى شىعا الادى
نۇر-سۇلتان. قازاقپارات - ازەربايجان استاناسىنىڭ تۇرعىندارى ەندى كوشەگە SMS - رۇقسات ارقىلى شىعا الادى، دەپ حابارلايدى «حابار 24».
بۇل قاتاردا ەلدىڭ تاعى 4 قالاسى مەن 11 اۋدانى بار. شەكتەۋ 14-جەلتوقساننان باستاپ كۇشىنە ەنەدى. قاڭتاردىڭ 18 ىنە دەيىن جالعاسادى دەگەن جوسپار بار. قازىر باكۋگە كىرۋ شەكتەلىپ، كارانتين شارالارى كۇشەيتىلدى.
حيكمەت گادجيەۆ، پرەزيدەنت كومەكشىسى:
- ۆاكسينا دايىن بولماي، الەۋمەتتىك اراقاشىقتىقتى ساقتاۋعا ءماجبۇرمىز. بۇل - قازىر دەرتكە قارسى جالعىز ءتيىمدى شارا. دەرتكە شالدىققان تۇرعىندار ەمدەۋ كەزىندە ۇيىنەن شىقپاۋى ءتيىس. جىل باسىنان وسى ءتارتىپتى بۇزعاندارعا قاتىستى 266 قىلمىستىق ءىس قوزعالدى.
ياگۋت گارايەۆا، وپەراتيۆتىك شتاب وكىلى:
- ەلدەگى ۆيرۋستى جۇقتىرۋ دەرەگىنىڭ %52 ى باكۋدە تىركەلىپ وتىر. جاز ايلارىمەن سالىستىرعاندا ينتەنسيۆتى تەراپيا قابىلداعانداردىڭ قاراسى 2 ەسە ارتتى. وسىعان بايلانىستى ازاماتتاردان دارىگەرلەردىڭ كەڭەسىنسىز ءوز- ءوزىن ەمدەۋمەن اينالىسپاۋىن سۇرايمىز. ءوز بەتىنشە ەم- دوم جاساعان ناۋقاستار اۋرۋحاناعا اۋىر حالدە ءتۇسىپ جاتىر.
