سمايىلوۆ: بيۋدجەتتىك باعدارلامالاردىڭ اكىمشىلەرى مەنى الداي المايدى

Смайылов: Бюджеттік бағдарламалардың әкімшілері мені алдай алмайды
Фото: primeminister.kz

استانا. KAZINFORM -جوعارى اۋديتورلىق پالاتانىڭ ءتوراعاسى ءاليحان سمايىلوۆ ءوز مىندەتتەرىنە نەمقۇرايلى قاراعان بيۋدجەتتىك اكىمشىلەرگە ناقتى كەمشىلىكتەرىن كورسەتەتىنىن ايتتى.

بۇگىن ءماجىلىستىڭ جالپى وتىرىسىنان كەيىن تىلشىلەر اۋديتورلىق پالاتا ءتوراعاسىنان ۇكىمەت باسشىسى رەتىندەگى بۇرىنعى لاۋازىمى مەن قازىرگى قىزمەتىنە قاتىستى سۇراق قويدى.

«بۇگىن ءسىز جوعارى اۋديتورلىق پالاتانىڭ ءتوراعاسى رەتىندە 2023 -جىلداعى ءوز جۇمىسىڭىزدى باعالاپ جاتىرسىز. بۇل تۇرعىدا قايشىلىق بار دەپ ويلامايسىز با؟»، - دەپ سۇرادى تىلشىلەر.

ءوز كەزەگىندە ءا. سمايىلوۆ قايشىلىق جوق ەكەنىن ايتتى.

«پرەمەر- مينيستر قىزمەتىنە توقتالسام، بيۋدجەتتىك باعدارلامالاردىڭ اكىمشىلەرى ءتيىستى قاراجاتتى سۇرادى. ولار بۇل قاراجاتتى قانداي ماقساتتا سۇراعانىن جانە قاي نەگىزدەمەگە سۇيەنگەندەرى ماعان وتە جاقسى ءمالىم. ءبىز سول بيۋدجەتتىك پروتسەستىڭ نەگىزىندە ءتيىستى قاراجاتتى ناقتى ماسەلەلەردى شەشۋگە، جوبالاردى ورىنداۋعا بەلگىلەپ، باعدارلادىق. ءىس جۇزىندە بۇل قارجى قانشالىقتى ماقساتقا ساي ءارى ءتيىمدى يگەرىلۋىنە قاتىستى اتالعان بيۋدجەتتىك باعدارلامالاردىڭ اكىمشىلەرى جاۋاپتى. وكىنىشكە قاراي، تالاپتاردى بۇزۋ جاعدايلارى بولىپ جاتادى. جوعارى اۋديتورلىق پالاتا ءتوراعاسى رەتىندە وسى اكىمشىلەرمەن كەزدەسىپ، اۋديتورلىق جۇمىستىڭ نەگىزىندە قاراجاتتىڭ قانشالىق ءتيىمدى پايدالانعانىن كورسەتەمىن. ولار ءتۇرلى ارگۋمەنتتى ايتا المايدى، سەبەبى مەنى الداي المايدى. اتاپ ايتقاندا، بۇل قاراجاتتى بولگەن كەزدە، ولار ماعان كەلىپ، ناقتى جوبالاردى ايتقان ەدى. سوندىقتان ولاردان ناقتى سۇراۋعا مەندە تولىق مۇمكىندىك بار»، - دەدى ول.

ايتا كەتەيىك، بۇگىن ءماجىلىستىڭ جالپى وتىرىسىندا ق ر ۇكىمەتىنىڭ جانە جوعارى اۋديتورلىق پالاتانىڭ 2023 -جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرى قارالدى.

بۇعان دەيىن جوعارى اۋديتورلىق پالاتا ءتوراعاسى بيۋدجەت اكىمشىلەرىنە قاتاڭ سۇراۋ بولاتىنىن ەسكەرتتى.

ەسكە سالساق، ءاليحان سمايىلوۆ 2022 -جىلعى 11-قاڭتاردا ق ر پرەزيدەنتىنىڭ جارلىعىمەن ق ر پرەمەر- ءمينيسترى لاۋازىمىنا تاعايىندالدى.

2024 -جىلدىڭ اقپانىندا پرەزيدەنت ۇكىمەتتى وتستاۆكاعا جىبەردى.

ال بيىل ءساۋىر ايىنىڭ باسىندا ءا. سمايىلوۆ قازاقستان رەسپۋبليكاسى جوعارى اۋديتورلىق پالاتاسىنىڭ ءتوراعاسى لاۋازىمىنا تاعايىندالدى.

سوڭعى جاڭالىقتار