سلوۆاكيا الەمدە ءبىرىنشى بولىپ تەمەكى تۇقىلىنان جول سالادى

темекі
فوتو: Pexels

دۇنيەجۇزىندە كۇن سايىن تۇتىلاتىن 18 ميلليارد تەمەكى تۇقىلىنىڭ ۇشتەن ءبىرى عانا قوقىس جاشىگىنە نەمەسە قايتا وڭدەۋ كونتەينەرىنە تۇسەدى. سلوۆاكيا ولاردى كادەگە جاراتۋدىڭ جاڭا ءادىسىن تاپتى. Kazinform بۇل تۋرالى Euronews-كە سىلتەمە جاساپ حابارلايدى.

سلوۆاكيا استاناسىنداعى كوممۋنالدىق قالدىقتاردى باسقارۋ كومپانياسى قالدىق جيناۋ جانە قايتا وڭدەۋ بويىنشا يننوۆاتسيالىق جوبانى ىسكە قوستى.

قالاداعى روجدەستۆو جارمەڭكەسى كەزىندە ستاندارتتى تەمەكى سۇزگىلەرىن، زاماناۋي تەمەكى تۇرلەرىن جانە ۆەيپ جيناۋعا ارنالعان ارنايى كونتەينەرلەر سىناقتان ءوتتى.

قالا بيلىگى بۇل ماتەريالدى اسفالت جاساۋعا پايدالانۋدى جوسپارلاپ وتىر.

بيلىك بۇل كوشەلەردى تازا ۇستاۋعا جانە قالدىقتاردى ءتيىمدى پايدالانۋعا سەپتىگىن تيگىزەدى دەپ ۇمىتتەنەدى.

براتيسلاۆاداعى Odvoz a Likvidácia Odpadu (OLO) كوممۋنالدىق قالدىقتاردى باسقارۋ كومپانياسى 2024 -جىلدان باستاپ قوعامدىق ورىندا تەمەكى تۇقىلىنا ارنالعان كونتەينەر ورناتىلاتىنىن ايتتى.

قايتا وڭدەۋدىڭ ءوزى جاڭالىق بولماسا دا، تەمەكى تۇقىلىنا ارنالعان كونتەينەرلەر الەم بويىنشا ءبىرىنشى رەت قولدانىلماقشى.

SPAK- EKO جانە EcoButt كومپانيالارى بىرلەسىپ، تەمەكى قالدىقتارىنان اسفالت جاساۋدى قولعا الدى.

- كوپشىلىك ورىندارعا، فەستيۆال، جارىس، بازار نەمەسە باسقا دا قالالىق ءىس-شارالارعا كەلۋشىلەر تەمەكى تۇقىلىن ارنايى كونتەينەرگە تاستاسا، ولار قورشاعان ورتانى تازارتۋعا عانا ەمەس، قالدىقتىڭ وسى ءتۇرىن جويۋعا دا ۇلەس قوسار ەدى، - دەدى OLO كومپانياسىنىڭ اينالمالى ەكونوميكا مەنەدجەرى مارتينا چەحوۆا.

سوڭعى جاڭالىقتار