سۇلتان يبراگيم مالايزيانىڭ 17-پاتشاسى بولدى
استانا. KAZINFORM - مالايزيانىڭ دجوحور شتاتىنىڭ سۇلتانى يبراگيم رەسمي تۇردە ەلدىڭ 17- پاتشاسى اتاندى. سارسەنبى كۇنى ول ۇلتتىق سارايدا وتكەن راسىمدە انت بەردى، دەپ حابارلايدى Reuters.
65 جاستاعى يبراگيم بۇل قىزمەتكە ابدوللا رياياتۋددين ءال-مۇستافانىڭ ورنىنا كەلدى. بۇرىنعى كورول قايتادان ءوزىنىڭ پاحانگ شتاتىن باسقارادى.
ەلدەگى مونارحيانىڭ بىرەگەي جۇيەسىنىڭ اياسىندا مالايزياداعى كورولدىك توعىز وتباسىنىڭ باسشىلارى ءاربىر بەس جىل سايىن كەزەكپەن پاتشا بولىپ سايلانادى.
مالايزيا كورولى (يانگ دي-پەرتۋان اگونگ) نەگىزىنەن سالتاناتتى جانە وكىلدىك قىزمەت اتقارادى. ول پرەمەر-مينيستر جانە مينيسترلەر كابينەتىنىڭ كەڭەسىنە جۇگىنىپ ارەكەت ەتەدى، ءبىراق فەدەرالدى كونستيتۋتسياعا سايكەس وعان كەيبىر ديسكرەتسيالىق وكىلدىكتەر، سونىڭ ىشىندە پرەمەر-مينيستر تاعايىنداۋ قۇقىعى بەرىلەدى.
