سەۋلدە وڭتۇستىك كورەيا، قىتاي جانە جاپونيا باسشىلارى كەزدەسەدى
استانا. KAZINFORM - وڭتۇستىك كورەيا- قىتاي- جاپونيا ءۇشجاقتى ءسامميتى جەكسەنبى كۇنى سەۋلدە COVID-19 پاندەمياسىنا بايلانىستى ۇزىلىستەن كەيىن باستالادى. بۇل تۋرالى Yonhap اقپارات اگەنتتىگى حابارلادى.
جەكسەنبى كۇنى كورەيا رەسپۋبليكاسىنىڭ پرەزيدەنتى يۋن سوك ەل قىتاي حالىق رەسپۋبليكاسى مەملەكەتتىك كەڭەسىنىڭ پرەمەرى لي جياڭمەن جانە جاپونيا پرەمەر- ءمينيسترى فۋميو كيسيدامەن ەكىجاقتى كەلىسسوزدەر جۇرگىزەدى. دۇيسەنبى كۇنى سەۋلدە وڭتۇستىك كورەيا، قىتاي جانە جاپونيا باسشىلارىنىڭ كەزدەسۋى وتەدى.
لي جياڭمەن ەكىجاقتى كەلىسسوزدەر بارىسىندا يۋن سوك ەل قىتاي مەن وڭتۇستىك كورەيا اراسىنداعى ستراتەگيالىق بايلانىستاردى دامىتۋ جانە ەكونوميكالىق ىنتىماقتاستىق پەن ساۋدانى كەڭەيتۋ جولدارىن تالقىلايدى دەپ كۇتىلۋدە.
ءسامميتتىڭ كۇن تارتىبىندە ىنتىماقتاستىقتىڭ التى باعىتى بار: ەكونوميكا جانە ساۋدا، تۇراقتى دامۋ، دەنساۋلىق ساقتاۋ، عىلىم مەن تەحنولوگيا، تابيعي اپاتتاردى باسقارۋ جانە قاۋىپسىزدىكتى قامتاماسىز ەتۋ جانە ادامدار اراسىنداعى الماسۋ ماسەلەلەرى.
وڭتۇستىك كورەيا- قىتاي- جاپونيا فورماتىنداعى الدىڭعى ءۇشجاقتى سامميت 2019 -جىلى جەلتوقساندا وتكەن بولاتىن.
