سەۋلدە مەديتسينالىق پروفەسسورلار جاپپاي دەمالىسقا كەتىپ جاتىر

Корея
Фото: en.yna.co

استانا. KAZINFORM - سەۋلدىڭ ءىرى اۋرۋحانالارىنداعى مەديتسينالىق پروفەسسورلار جۇما كۇنى ەكى اپتانىڭ ىشىندە ءۇشىنشى دەمالىس كۇنىن الدى.

ولار ۇكىمەتتىڭ مەديتسينالىق شارالارىنا نارازىلىق رەتىندە جۇمىس ورىندارىنان كەتكەن پراكتيكانت دارىگەرلەردىڭ ورنىن تولتىرۋدان شارشاعانىن ايتتى، دەپ جازادى Yonhap.

ارۋحانا مالىمەتىنشە، شارشاعان پروفەسسور- دارىگەرلەر دەمالىسقا كەتكەندە، اۋرۋحانالارداعى اۋىر ناۋقاستار مەن ستاتسيونارلىق كومەككە مۇقتاجدار قاراۋسىز قالادى.

30-ءساۋىر مەن 3-مامىر كۇندەرى داىگەرلەر دەمالىس الدى، ءبىراق قوعامدىق دەنساۋلىق ساقتاۋداعى ەلەۋلى ۇزىلىستەر تۋرالى حابارلانعان جوق.

جۇما كۇنى سەۋلدىڭ ءتورت ءىرى اۋرۋحاناسىندا - سەۋل ۇلتتىق ۋنيۆەرسيتەتىنىڭ اۋرۋحاناسىندا، اسان مەديتسينالىق ورتالىعىندا، سيەۆەرانس اۋرۋحاناسىندا جانە سەۋلدەگى كيەلى ماريا اۋرۋحاناسىندا كەيبىر مەديتسينا وقىتۋشىلارى ەرىكتى دەمالىس الدى.

جالپى اۋرۋحانالارداعى اعا دارىگەرلەر سانالاتىن پروفەسسورلار 20-اقپاننان باستاپ مەديتسينا سالاسىنداعى ستۋدەنتتەردىڭ سانىن 2000 عا كوبەيتۋ جوسپارىنا نارازىلىق رەتىندە جۇمىس ورىندارىنان كەتكەن شامامەن 12000 پراكتيكانت دارىگەرلەرمەن اپتا سايىنعى دەمالىس كۇندەرىن باستادى.

سوڭعى جاڭالىقتار