سەۋل كوشەلەرىندە جۇرگىزۋشىسى جوق اۆتوبۋستار جۇرە باستادى

سەۋلدە قالاداعى جولاۋشى كوپ تۇراتىن اۋدانداردى بايلانىستىراتىن شوپىرى جوق اۆتوبۋستار ىسكە قوسىلدى، دەپ حابارلايدى Kazinform اگەنتتىگى Yonhap سايتىنا سىلتەمە جاساپ.

دۇيسەنبى تۇندە ەكى اۆتوبۋس سەۋلدىڭ جولاۋشىلار ەڭ كوپ جۇرەتىن ەكى اۋدانى حوندە مەن دوندەمۋندى بايلانىستىراتىن 20 ايالداما اراسىندا جولاۋشىلاردى تاسىمالداي باستادى.

ولار جۇمىس كۇندەرى 23:30 دان تاڭعى 5:10 عا دەيىن، 70 مينۋت ارالىقتا 10 شاقىرىمعا جۋىق جول جۇرەدى.

پيلوتسىز اۆتوبۋستار كولەمى ادەتتەگى اۆتوبۋسپەن بىردەي. بۇكىل جولاۋشىلار قاۋىپسىزدىك بەلبەۋىن پايدالانۋعا ءتيىس، كولىكتە تۇرىپ تۇرۋعا بولمايدى.

ءبىرىنشى كۇنى اۆتوبۋستا ەكى كۇزەتشى مەن جۇرگىزۋشى وتىردى، ءبىراق كولىكتى ەشكىم باسقارعان جوق.

قوعامدىق كولىكتە ءجۇرۋ اقىسىن تولەۋ كەلەسى جىلدىڭ باسىنان باستالادى.

سەۋل سونىمەن قاتار وسىنداي باعىتتار سانىن ارتتىرماقشى.