ەسكى ۆيدەو قايتا دۇربەلەڭ تۋعىزدى: ساربازعا قاتىستى كادردىڭ شىندىعى قانداي

- الەۋمەتتىك جەلىلەردە اسكەري انت قابىلداۋ ءراسىمى كەزىندە ساربازدىڭ باسى اينالىپ، ءوزىن جايسىز سەزىنگەن ءساتى تۇسىرىلگەن بەينەجازبا قايتادان تارالىپ جاتىر. الايدا بۇل وقيعا بيىل ەمەس، 2024-جىلى اياگوز گارنيزونىندا بولعان، - دەپ حابارلادى ۆەدومستۆودان.

قورعانىس مينيسترلىگىنىڭ مالىمەتىنشە، «ساربازدىڭ جاعدايى قاتتى تولقىعاندىقتان ناشارلاعان. ونىڭ دەنساۋلىعىنا قاۋىپ تونبەگەن. مەديتسينالىق كومەك دەر كەزىندە جانە تولىق كولەمدە كورسەتىلگەن».

JAQ. Ortcom جالعان اقپاراتقا قارسى ءىس-قيمىل ورتالىعىنا بەلگىلى بولعانداي، اتالعان اسكەري قىزمەتشى مەرزىمدى اسكەري قىزمەتىن تولىق وتەپ، كەيىن زاپاسقا شىعارىلعان.

دەمەك، قازىر الەۋمەتتىك جەلىلەردە تارالىپ جاتقان بەينەجازبا قازىرگى جاعدايعا قاتىستى ەمەس. وقيعانىڭ بولعان ۋاقىتى مەن ءمان-جايىن كورسەتپەي، ارحيۆتىك كادرلاردى قايتا جاريالاۋ اۋديتوريانى جاڭىلىستىرىپ، قوعامدا نەگىزسىز الاڭداۋشىلىق تۋعىزۋى مۇمكىن.

- ورتالىق بلوگەرلەر مەن جاڭالىقتار پابليكتەرىن اقپارات تاراتقاندا جاۋاپكەرشىلىك تانىتىپ، جاريالاناتىن مالىمەتتەردىڭ شىنايىلىعىنا كوز جەتكىزۋگە شاقىرادى. كورىنەۋ جالعان اقپاراتتى قاساقانا تاراتۋ زاڭناماعا سايكەس قۇقىقتىق جاۋاپكەرشىلىككە اكەپ سوعۋى مۇمكىن، - دەپ ەسكەرتتى مينيرسترلىكتەن.

ەسكە سالا كەتەيىك، بۇعان دەيىن قازاقستاننىڭ ارنايى وپەراتسيالار كۇشتەرى تۋرالى جالعان اقپارات تاراعان ەدى.