ەسكەندىر حاسانعاليەۆتىڭ كەلىنى قايىن اتاسى تۋرالى ەستەلىگىن ءبولىستى

استانا. KAZINFORM - مارقۇم ق ر حالىق ءارتىسى، سازگەر ەسەندىر حاسانعاليەۆتىڭ كەلىنى اقمارجان قايىن اتاسى تۋرالى ەستەلىك ايتتى.

بۇل تۋرالى Stan.kz اقپارات اگەنتتىگى حابارلايدى.

ايتۋىنشا، مارقۇم وتە جاقسى كىسى بولعان كورىنەدى. اقمارجان اسىلبەك قىزى جەكە پاراقشاسىندا قايىن اتاسى تۋرالى جازبا جاريالادى.

«پويىزبەن جول تارتىپ بارا جاتىرمىز. ول كىسى پويىزعا مىنگەندى جاقسى كورەتىن. «وزىنشە ءبىر بولەك اتموسفەراسى بار، اۋاسى بار» دەيتىن. پاپا، جاتقان جەرىڭىز جايلى بولسىن! ارتىڭىزدا ءبىرجانداي 15 بالاعا تاتيتىن ۇلىڭىز قالدى. ءتاتتى نەمەرەلەرىڭىز بار. قازاق حالقىنا قانشاما مادەني مۇرا وشپەس مۋزىكاڭىز قالدى. دەمەك، ماڭگى جۇرەگىمىزدەسىز. سىزدەي ۇلى كىسىنىڭ، ادامگەرشىلىگى مول، جانى تازا كىسىنىڭ كەلىنى بولۋ، ءبىرجانداي ازاماتتىڭ جارى بولۋ، ۇرپاق ءسۇيىپ جالعاستىرۋ - باسىما قونعان باق. ءاربىر ءسوزىڭىز بەن اقىلىڭىزدى ۇمىتقان جوقپىز. ادامداردى تۋعانىڭىزدان كەم كورمەي بار جۇرەگىڭىزبەن جاقسى كورەتىنسىز. ماعان دەگەن ىقىلاسىڭىز ەرەكشە بولدى. داستارحانداعى ەڭ ءتاتتى مەن ءدامدىنى ماعان قاراي يتەرىپ وتىراتىنىڭىز بۇگىنگە دەيىن كوز الدىمدا»، - دەدى اقمارجان.

جەلى قولدانۋشلارى مارقۇم سازگەر تۋرالى جىلى ەستەلىكتەرىن ءبولىسىپ جاتىر. «ەسكەندىر اعانىڭ جانى ءجانناتتىق بولسىن! عۇمىرلى اندەرى، ادەمى مۋزىكا الەمى حالقىمەن بىرگە ماڭگى جاساي بەرسىن!»، «ۇلىڭ جاقسى بولسا - ءبىر باقىت، قىزىڭ جاقسى بولسا - ءجۇز باقىت، كەلىنىڭ جاقسى بولسا - مىڭ باقىت» دەگەن قازاق. اتاسىن باعالاپ، قادىرىنە جەتىپ جاتقان كەلىن باقىتتى بول!»، «ەسكەندىر اعا قازاق حالقىنىڭ ماقتانىشى عوي» دەپ جازىپ جاتىر وقىرمان قاۋىم.