سكليار قىتايلىق كومپانيا ۆيتسە-پرەزيدەنتىمەن جەل ەلەكتر ستانسالارىن سالۋ جوباسىن تالقىلادى

استانا. KAZINFORM – ق ر پرەمەر- ءمينيسترىنىڭ ءبىرىنشى ورىنباسارى رومان سكليار China Power International Holding (CPIH) ۆيتسە- پرەزيدەنتى رەناگۋلي تۋەرديمەن كەزدەستى.

كەلىسسوزدەردىڭ نەگىزگى تاقىرىبى مەملەكەت باسشىسى قاسىم-جومارت توقايەۆتىڭ بىلتىر مامىر ايىندا شيان قالاسىنا (ق ح ر) ساپارى شەڭبەرىندە قول جەتكىزىلگەن ۋاعدالاستىقتاردى ىسكە اسىرۋدى جالعاستىرۋ جونىندە بولدى.

قىتايلىق كومپانيا قازاقستاننىڭ جامبىل مەن پاۆلودار وبلىستارىندا جالپى قۋاتى 1 گ ۆ ت بولاتىن جەل ەلەكتر ستانسالارىن (ج ە س) سالۋ جوباسىن جۇزەگە اسىرىپ جاتىر.

كەزدەسۋدە جوبالاردى تەحنيكالىق ىسكە اسىرۋدىڭ ناقتى ماسەلەلەرى تالقىلاندى. ولاردىڭ قاتارىندا قوسالقى ستانسالاردى، قاجەتتى قۋاتتاردى دايىنداۋ جانە ولشەۋ راسىمدەرى قارالدى.

سونىڭ ناتيجەسىندە جوبالاردى قىسقا مەرزىمدە ەنگىزۋ ءۇشىن قاجەتتى تەحنيكالىق پروتسەستەردى جەدەلدەتۋ تۋرالى ۋاعدالاستىققا قول جەتكىزىلدى.