قىتايدا Sinovac كومپانياسىنىڭ ۆاكسيناسىن بالالارعا قولدانىلۋىن ماقۇلدادى
بەيجىڭ. قازاقپارات - قىتاي Sinovac فيرماسىنىڭ COVID-19 ۆيرۋسىنا قارسى شىعارعان CoronaVac ۆاكسيناسىن 3-17 جاس ارالىعىنداعى بالالارعا قولدانۋعا رۇقسات بەردى.
بۇل تۋرالى Sinovac فيرماسىنىڭ ءتوراعاسى ين ۆەيدۋن ءمالىم ەتتى، دەپ حابارلايدى قازاقپارات.
Global Times باسىلىمى Sinovac باسشىسى ين ۆەيدۋننىڭ مالىمدەمەسىنە سىلتەمە جاساپ جازۋىنشا، CoronaVac ۆاكسيناسىن 3-17 جاس ارالىعىنداعى بالالارعا شۇعىل قولدانۋى ماقۇلدانعان.
«ءبىراق ۆاكسينا قانداي جاعدايدا سالىنادى جانە قاي جاستان باستاپ قولدانىلاتىنى ءالى شەشىلمەگەن»، - دەدى كومپانيا باسشىسى.
Sinovac اتالمىش جاس ارالىعىنداعى كلينيكالىق سىناقتاردىڭ I جانە Ⅱ كەزەڭىن اياقتادى، وعان بىرنەشە جۇزدەگەن ەرىكتى قاتىستى. سىناق قورىتىندىسى ۆاكسينانىڭ قاۋىپسىز ءارى ءتيىمدى ەكەنىن كورسەتتى.
ماۋسىم ايىنىڭ باسىندا دۇنيەجۇزىلىك دەنساۋلىق ساقتاۋ ۇيىمى Sinovac كومپانياسىنىڭ كوروناۆيرۋسقا قارسى شىعارعان ۆاكسيناسىنىڭ شۇعىل جاعدايدا قولدانىلۋىن ماقۇلدادى.
