سۋداندا اسكەري ۇشاق اپاتقا ۇشىرادى
استانا. KAZINFORM - اپات سالدارىنان بەيبىت تۇرعىندار مەن اسكەريلەر قازا تاپتى، دەپ جازادى انادولى.
سۋدان ارمياسى ۋمدۋرمان ايماعىنداعى ۆادي-سەيدنا اسكەري بازاسىنان ۇشىپ شىققان اسكەري ۇشاقتىڭ اپاتقا ۇشىراۋىنان اسكەري قىزمەتكەرلەر مەن بەيبىت تۇرعىنداردىڭ قازا تاپقانىن حابارلادى.
- ءبىزدىڭ ءبىر ۇشاق بۇگىن كەشكىلىك ۆادي-سەيدنا اسكەري بازاسىنان كوتەرىلگەننەن كەيىن قۇلادى، - دەلىنگەن ارميا مالىمدەمەسىندە.
مالىمدەمەدە اپات سالدارىنان بەيبىت تۇرعىندار مەن اسكەريلەردىڭ دە قازا تاپقانى جانە جارالانعانى ايتىلعان.
ءورت سوندىرۋشىلەر وقيعا ورنىندا ءورتتى اۋىزدىقتاسا، زارداپ شەككەندەر اۋرۋحاناعا جەتكىزىلگەن.
Al Arabiya تەلەارناسىنىڭ حابارلاۋىنشا، سۋداننىڭ ومدۋرمان قالاسىنداعى (حارتۋم پروۆينتسياسى) سۋدان ارمياسىنا تيەسىلى اسكەري ۇشاق اپاتىنان 19 ادام قازا تاپقان.
وقيعاعا تەحنيكالىق اقاۋ سەبەپ بولعان، ۇشاق جەرگىلىكتى اۆيابازادان كوتەرىلگەننەن كەيىن كوپ ۇزاماي قۇلاعان. اپاتتا بورتتا بولعان ەكيپاج مۇشەلەرى مەن سۋداندىق اسكەريلەر قۇربان بولعان، سونداي-اق ۇشاق قۇلاعان جەردەگى تۇرعىن ۇيلەردەگى بەيبىت تۇرعىندار كوز جۇمعان. قۇتقارۋشىلار اپات ورنىندا ۇيىندىلەردى تازالاۋدى جالعاستىرىپ جاتىر، دەلىنگەن حاباردا.
ايتا كەتەيىك، بۇعان دەيىن گوندۋراس پرەزيدەنتىنىڭ تىكۇشاعى دجۋنگليگە اپاتتىق جاعدايدا قونعانىن جازعان ەدىك.
