سۋدان ب ا ءا- گە قارسى حالىقارالىق سوتقا شاعىم ءتۇسىردى
استانا. KAZINFORM - حارتۋم حالىقارالىق سوتتى ب ا ءا- ءنى وتەماقى تولەۋگە ماجبۇرلەۋ جانە باسقا دا ءبىرقاتار تالاپتى ورىنداۋ ءۇشىن ۋاقىتشا شارالار قابىلداۋعا شاقىردى، دەپ حابارلايدى Kazinform ءتىلشىسى.
سۋدان سارسەنبى كۇنى بىرىككەن اراب امىرلىكتەرىنە قارسى ب ۇ ۇ حالىقارالىق سوتىنا شاعىم ءتۇسىرىپ، ولاردى ازاماتتىق سوعىستا سۋداننىڭ كوتەرىلىسشىلەرىنە - جەدەل ارەكەت ەتۋ كۇشتەرىنە اسكەري، قارجىلىق جانە ساياسي قولداۋ كورسەتۋ ارقىلى باتىس دارفۋر «ماساليتتەگى گەنوتسيدكە قاتىسى بار» دەپ ايىپتادى.
حارتۋم بىرىككەن اراب امىرلىكتەرىنىڭ جەدەل ارەكەت ەتۋ كۇشتەرىن قولداۋ ارقىلى «گەنوتسيد، كىسى ءولتىرۋ، مۇلىكتى ۇرلاۋ، زورلاۋ، كۇشتەپ كوشىرۋ، شەتەل اۋماعىنا زاڭسىز كىرۋ، قوعامدىق مۇلىكتى قيراتۋ جانە ادام قۇقىقتارىن بۇزۋعا» ىقپال ەتتى دەپ مالىمدەيدى.
شاعىمدا ب ا ءا- نىڭ «2023-جىلدان بەرى سۋدان رەسپۋبليكاسىنداعى ماساليت حالقىنا قارسى گەنوتسيدكە بايلانىستى» شارا قولدانعانى ايتىلعان.
سۋدان حالىقارالىق سوتتان توتەنشە شارا قابىلداۋدى سۇراپ، ب ا ءا- نى «گەنوتسيد تۋرالى كونۆەنتسيانىڭ II بابىنا سايكەس كەلەتىن كەز كەلگەن ارەكەتتىڭ، سونىڭ ىشىندە توپ مۇشەلەرىن ءولتىرۋ» جانە «توپ مۇشەلەرىنە اۋىر دەنە جاراقاتىن كەلتىرۋدى» بولدىرماۋ ءۇشىن ءوز وكىلەتتىكتەرى شەڭبەرىندە بارلىق شارانى قابىلداۋعا شاقىردى.
ب ا ءا سۋداننىڭ ايىپتاۋلارىنان ءۇزىلدى-كەسىلدى باس تارتىپ، ءىستى «تسينيكالىق PR- قادام» دەپ اتادى جانە ونى دەرەۋ توقتاتۋعا تىرىسامىز دەپ مالىمدەدى. ابۋ-دابي ەلدىڭ سۋدان كۇشتەرىمەن ءبىر جىلعا جۋىق كۇرەسىپ كەلە جاتقان ق ب ب- عا قارۋ-جاراق پەن وق-ءدارى جەتكىزدى دەگەن ايىپتاۋلاردى جوققا شىعاردى.
ب ا ءا سىرتقى ىستەر ءمينيسترى انۆار گارگاش X الەۋمەتتىك جەلىسىندە حابارلاما جاريالاپ، سۋداننىڭ باسىمدىعى مەديا مانيپۋلياتسياسى ەمەس، ابسۋردتىق جانە جويقىن سوعىستا اتىستى توقتاتۋ بولۋى كەرەك ەكەنىن ايتتى.
قازىردىڭ وزىندە سۋداننىڭ 18 شتاتىنىڭ 13 ىنە قاقتىعىس بولىپ جاتىر.
ميلليونداعان ادام ازىق- تۇلىك تاپشىلىعىنان اشتىق پەن ولىمگە تاپ بولىپ، گۋمانيتارلىق اپات جاقىنداپ كەلە جاتقانى تۋرالى ەسكەرتىلدى، سوعىستى توقتاتۋ تۋرالى حالىقارالىق ۇندەۋلەر ارتىپ كەلەدى.
اقپان ايىندا سۋداندا اسكەري ۇشاق اپاتقا ۇشىراپ، كەم دەگەندە 46 ادام قازا تاپتى.
2024-جىلدىڭ تامىز ايىندا سۋداننىڭ دەنساۋلىق ساقتاۋ مينيسترلىگى ەلدە تىرىسقاق ىندەتىنىڭ ورشىپ تۇرعانىن حابارلادى.
