سۋعا باتىپ كەتەتىندەر كوبەيۋىنە نە سەبەپ؟
استانا. قازاقپارات - جىل باسىنان بەرى شومىلۋ ماۋسىمىندا 250 ادام قۇتقارىلعان، ونىڭ ىشىندە 63 ى بالا. بۇل تۋرالى ت ج م وكىلى اقىلبەك احمەتجانوۆ مالىمدەدى.
«قۇتقارىلعانداردىڭ كوبى سۋ ايدىندارىنداعى قاۋىپسىزدىك ەرەجەلەرىن بۇزعان، ولاردىڭ ءارقايسىسى اكىمشىلىك جاۋاپكەرشىلىككە تارتىلدى»، - دەدى ول و ك ق الاڭىندا وتكەن باسپا ءسوز كونفەرەنسياسىندا.
اقىلبەك احمەتجانوۆ دەمالۋشىلارعا ارنالعان ءبىرقاتار مىندەتتى اتادى.
«بالالاردى سۋدىڭ جانىندا قاراۋسىز قالدىرماڭىز جانە ولاردىڭ وزدىگىنەن شومىلۋىنا جول بەرمەڭىز؛ تىيىم سالۋ بەلگىلەرى ورناتىلعان، جابدىقتالماعان جەرلەردە شومىلۋعا نەمەسە سۋعا تۇسۋگە بولمايدى؛ ءجۇزۋ شەكارالارىن بەلگىلەيتىن قالتقىلاردىڭ ارتىندا جۇزبەڭىز؛ قايىقتاردىڭ جانىندا جۇزبەڭىز. وسى قاراپايىم ەرەجەلەردى ۇستانۋ ءسىزدىڭ جانە جاقىندارىڭىزدىڭ ءومىرى مەن دەنساۋلىعىن ساقتايدى»، - دەدى كوميتەتى ءتوراعاسىنىڭ ورىنباسارى.
ۆەدومستۆو مالىمەتىنشە، دەمالۋشىلار كوبىنە مىنا سەبەپتەرگە بايلانىستى باتىپ كەتەدى:
ءوز كۇشتەرىن اسىرا باعالايدى؛
بالالاردى قاراۋسىز قالدىرادى؛
كوبىنە ماس كۇيىندە شومىلادى.
ەسكە سالايىق، بۇعان دەيىن قازاقستاندا كەيىنگى 10 جىلدا 2240 ادام سۋعا باتىپ كەتكەنى حابارلاندى.
