«ساتىپ الۋ قۇقىعىنسىز جالعا بەرىلەتىن تۇرعىن ءۇي» باعدارلاماسى بويىنشا قۇجات قابىلداۋ باستالدى
«استانادا «كوپبالالى وتباسىلار» جانە «حالىقتىڭ الەۋمەتتىك وسال توپتارى» ساناتتارى ءۇشىن «ساتىپ الۋ قۇقىعىنسىز جالعا بەرىلەتىن تۇرعىن ءۇي» باعدارلاماسى بويىنشا قۇجاتتاردى قابىلداۋ باستالدى، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.
قابىلداۋ كۇنى: 2023 -جىلعى 20-جەلتوقساننان باستاپ ساعات 09:00 دەن 2023 -جىلعى 28-جەلتوقسانعا دەيىن ساعات 23:59 عا دەيىن.
قۇجاتتاردى قابىلداۋ كورسەتىلگەن كەزەڭدە تەك qatysu.zhilfond.kz پورتالى ارقىلى ەلەكتروندى تۇردە جۇرگىزىلەدى.
ىرىكتەۋ كەزەككە قويىلعان كۇنگە سايكەس جۇرگىزىلەدى جانە وتباسىنىڭ قۇرامى ەسكەرىلەدى.
«نازار اۋدارۋدى سۇرايمىز! قاتىسۋعا وتىنىمدەردى كەزەككە قويىلعان بارلىق جىلدارداعى كەزەكتە تۇرعان ازاماتتار بەرە الادى، الايدا قاتىسۋعا ءوتىنىم بەرگەندەر اراسىندا باسقالاردان بۇرىن كەزەكتە تۇرعاندار وتەدى»، - دەلىنگەن حابارلامادا.
بۇل باعدارلاماعا استانا قالاسىنىڭ كوممۋنالدىق تۇرعىن ءۇي قورىنان تۇرعىن ۇيگە كەزەكتە تۇرعان تومەندەگى ساناتتاعى ازاماتتار قاتىسا الادى:
جەڭىلدىكتەرى بويىنشا ۇلى وتان سوعىسىنىڭ ارداگەرلەرىنە تەڭەستىرىلگەن ارداگەرلەر؛
- باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى؛
- ءبىرىنشى جانە ەكىنشى توپتاعى مۇگەدەكتىگى بار ادامدار؛
- مۇگەدەك بالالارى بار نەمەسە ولاردى تاربيەلەپ وتىرعان وتباسىلار؛
- كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن ادامدار؛
- جاسى بويىنشا زەينەتكەرلەر؛
- جەتىم بالالار جانە اتا- اناسىنىڭ قامقورلىعىنسىز قالعان بالالار؛
- قانداستار؛
- ەكولوگيالىق ءزىلزالالار، تابيعي جانە تەحنوگەندىك سيپاتتاعى توتەنشە جاعدايلار سالدارىنان تۇرعىن ۇيىنەن ايىرىلعان ادامدار؛
- كوپبالالى وتباسىلار؛
- مەملەكەتتىك نەمەسە قوعامدىق مىندەتتەردى، اسكەري قىزمەتتى اتقارۋ كەزىندە، عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە، ادام ءومىرىن قۇتقارۋ كەزىندە، قۇقىقتىق ءتارتىپتى قورعاۋ كەزىندە قازا تاپقان (قايتىس بولعان) ادامداردىڭ وتباسىلارى؛
- تولىق ەمەس وتباسىلار.
پاتەرلەردىڭ جالپى سانى – 960، ونىڭ ىشىندە:
«كوپبالالى وتباسىلار» ساناتى ءۇشىن - 270 پاتەر؛
- «جەتىم بالالار جانە اتا- اناسىنىڭ قامقورلىعىنسىز قالعان بالالار» ساناتى ءۇشىن - 173 پاتەر؛
- باسقا ساناتتاعى «حالىقتىڭ الەۋمەتتىك وسال توپتارى» ءۇشىن - 517 پاتەر.
تۇرعىن ءۇي ءتۇرى: ساتىپ الۋ قۇقىعىنسىز جالعا بەرىلەتىن تۇرعىن ءۇي.
نىسانداردىڭ ورنالاسۋى: استانا قالاسى، پريگورودنىي كەنتى، ە.761 كوشەسى («orman park» ت ك)؛ e 699 كوشەسى - «Аѕраn park 1» ТК, «Аѕраn park 2» ТК؛ تىلەنديەۆ داڭعىلى («جەتىجول» ت ك؛ استانا- قاراعاندى تاس جولى، 23 («دەنساۋلىق» ت ك)؛ «ەك-17، ە ك-21» كوپپاتەرلى تۇرعىن ءۇي كەشەنى، «ەدەم» تك، كوكتال اۋدانى، «كوكتەم» ت ك.
ءوتىنىش بەرۋ ءۇشىن سىزدە بولۋى كەرەك:
1) ە ت س ق كىلتى؛
2) وتباسىنىڭ بارلىق مۇشەلەرىنە ق ر بويىنشا جىلجىمايتىن مۇلىكتىڭ جوق نەمەسە بار ەكەندىگى تۋرالى انىقتامانىڭ سكانەرلەنگەن نۇسقاسى؛
3) بالالاردىڭ تۋۋ تۋرالى كۋالىكتەرىنىڭ سكانەرلەنگەن نۇسقاسى / وتباسى مۇشەلەرىنىڭ جەكە كۋالىگى (بار بولسا)؛
4) نەكە قيۋ/بۇزۋ/ اكە بولۋدى انىقتاۋ تۋرالى كۋالىكتىڭ سكانەرلەنگەن نۇسقاسى/ №4 فورماسى/ قايتىس بولۋ تۋرالى كۋالىك (بار بولسا)؛
5) جىلجىمايتىن مۇلىكتى بەلگىلەيتىن قۇقىقتىق قۇجاتتارىنىڭ سكانەرلەنگەن نۇسقاسى (بار بولسا)؛
6) مۇگەدەكتىك تۋرالى انىقتامانىڭ سكانەرلەنگەن نۇسقاسى (بار بولسا).
وتىنىمدەردى قاراۋ ناتيجەلەرى zhilfond.kz سايتىندا، www.gov.kz - «استانا قالاسىنىڭ تۇرعىن ءۇي جانە تۇرعىن ءۇي ينسپەكتسياسى باسقارماسى» م م جانە تۇرعىن ءۇي ورتالىعىنىڭ الەۋمەتتىك جەلىلەرىندە جاريالاناتىن بولادى.
