Sars-CoV-2 ۆيرۋسىن جاساۋشىلار انىقتالدى – جالعان
شىن مانىندە، بۇل جاڭالىقتىڭ پاندەمياعا ەشقانداي قاتىسى جوق جانە COVID-19 اۋرۋىن تۋدىراتىن Sars-CoV-2 ۆيرۋسىنىڭ قولدان جاسالعانىن دالەلدەمەيدى، دەپ حابارلايدى stopfake.kz سايتى.
وتكەن اپتادا ب ا ق قازاقستاندا قاۋىپتى جانە اسا قاۋىپتى شتاممدار كوللەكتسياسى ءۇشىن جاڭا بيوزەرتحانا مەن قويما سالۋ تۋرالى حابارلادى. جوبانى ازىرلەۋشى – ق ر يندۋستريا جانە ينفراقۇرىلىمدىق دامۋ مينيسترلىگى. ۆەدومستۆو ماماندارىنىڭ Sars-CoV-2 ۆيرۋسىنىڭ پايدا بولۋىنا ەشقانداي قاتىسى جوق. بىرىنشىدەن، مينيسترلىك ۆيرۋستاردى زەرتتەۋمەن اينالىسپايدى. ەكىنشىدەن، بۇل پاتوگەن العاش رەت قازاقستاندا ەمەس، قىتايدا تابىلعان. ۇشىنشىدەن، SARS- CoV-2 ۆيرۋسىنىڭ تابيعي جولمەن پايدا بولعاندىعى دالەلدەنگەن، ونى رەتسەنزيالانعان Nature جۋرنالىندا جاريالانعان عىلىمي زەرتتەۋ ناتيجەلەرى راستايدى. سونىمەن قاتار، د د س ۇ ماماندارىنىڭ دەلەگاتسياسى ۋحانداعى زەرتحانادا تەرگەۋ جۇرگىزىپ، ۆيرۋستىڭ پايدا بولۋىنىڭ ىقتيمال نۇسقالارىن، سونىڭ ىشىندە ونىڭ زەرتحانادان سىرتقا شىعارىلۋ مۇمكىندىگىن قاراستىردى.
الايدا، بۇل تەوريا راستالمادى، بۇل تۋرالى ۇيىمنىڭ ەسەبىندە ايتىلعان. پاتوگەندى زەرتتەۋ بارىسىندا الىنعان باسقا عىلىمي دەرەكتەر دە ونىڭ زەرتحانادا جاسالعانىنا نەگىز بولا المايدى. مۇنداي قورىتىندىلار رەتسەنزيالانعان The Lancet عىلىمي جۋرنالىندا جانە Science Direct عىلىمي پورتالىندا جاريالاندى. دەمەك، بيوزەرتحانانى سالۋ جوسپارلارى مەن SARS- CoV-2 كوروناۆيرۋسىنىڭ اراسىندا ەشقانداي بايلانىس جوق. سونداي- اق، قازاقستاندا مۇنداي نىساننىڭ قۇرىلىسى پاتوگەننىڭ قولدان جاسالعاندىعىن دالەلدەمەيدى.
