ساراپشى جانىبەكتىڭ سالماعىندا ابسوليۋت چەمپيون كىم بولاتىنىن ايتتى

امەريكالىق جۋرناليست دجەك ماككافەرري Vesti.kz تىلشىسىنە بەرگەن سۇحباتىندا ورتا سالماقتا WBC چەمپيونى دجەرمالل چارلو (32-0، 22 ك و) مەن IBF جانە WBO تيتۋلىدارىنا يە جانىبەك ءالىمحان ۇلى (17-0، 11 ك و) اراسىنداعى ءوتۋى مۇمكىن جەكپە-جەك تۋرالى ويىن ايتتى.

چارلو جۋىردا جانىبەكپەن جەكپە-جەككە كەلىسكەندەي بولدى.

«ءالىمحان ۇلى مەن چارلو ايقاسى - ورتا سالماقتاعى ەڭ قىزىقتى جەكپە-جەكتەردىڭ ءبىرى. بۇل قازاقستاندىق بوكسشى ءۇشىن ءبىرىنشى ناعىز جانە سالماقتى قارسىلاس. بۇل كەزدەسۋدىڭ جەڭىمپازى ابسوليۋت چەمپيون كىم بولاتىنىن شەشەدى. ويتكەنى جەڭىمپازعا ءبىر عانا تيتۋلدى - تەك WBA بەلبەۋىن جەڭىپ الۋ قالادى. چارلو قازىر قانداي كۇيدە ەكەنىن بىلمەيمىن. ءۇش جىل بۇرىن ول فاۆوريت ەدى، ءبىراق قازىر ءبارى باسقاشا. بۇل قىزىقتى جەكپە-جەك بولادى»، - دەيدى ماككافەرري.