17:28, 14 - مامىر 2025 | GMT +5
سارا الپىس قىزى اۋرۋحانادا ەم قابىلداپ جاتىر - ايدوس ۇكىباي
استانا. KAZINFORM - تۇڭعىش پرەزيدەنت نۇرسۇلتان نازاربايەۆتىڭ جارى - سارا الپىس قىزىنىڭ ومىردەن وزعانى تۋرالى ءبىرقاتار ب ا ق- تا اقپارات تاراعان بولاتىن. تۇڭعىش پرەزيدەنتتىڭ باسپا ءسوز حاتشىسى ايدوس ۇكىباي بۇل دەرەكتىڭ شىندىققا جاناسپايتىنىن حابارلادى.
- ب ا ق- تىڭ كوپتەگەن ساۋالدارىنا جاۋاپ رەتىندە حابارلايمىن: قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ جۇبايى سارا الپىس قىزى اۋرۋحانادا ەم قابىلداپ جاتىر.
ونىڭ قايتىس بولعانى تۋرالى اقپارات شىندىققا سايكەس كەلمەيدى، - دەلىنگەن X الەۋمەتتىك جەلىسىندە جاريالانعان اقپاراتتا.
ايتا كەتەيىك، بۇعان دەيىن داريعا نازاربايەۆا «استانا وپەرا» كەڭەسىنىڭ قۇرامىنان شىعارىلاتىنى ءمالىم بولدى.
