سانكت-پەتەربوردان وزبەكستانعا باعىت العان ۇشاق شۇعىل اقتوبەگە قوندى
وزبەكستاننىڭ Qanot Sharq اۋە كومپانياسىنىڭ سانكت-پەتەربوردان سامارقانعا ۇشىپ بارا جاتقان ۇشاعى قازاقستاننىڭ اقتوبە اۋەجايىنا شۇعىل قوندى، دەپ حابارلايدى Kazinform «Uzbekistan Airports» كومپانياسىنىڭ باسپا ءسوز قىزمەتىنە سىلتەمە جاساپ.
باسپا ءسوز مالىمەتتەرىنە قاراعاندا، ۇشاقتىڭ قونۋىنا جولاۋشىلاردىڭ ءبىرىنىڭ دەنساۋلىعىنىڭ ناشارلاۋى سەبەپ بولعان. ۇشاق جاقىن ارادا قايتادان ۇشادى دەپ كۇتىلۋدە.
«Qanot Sharq اۋە كومپانياسىنىڭ سانكت-پەتەربۋرگ-سامارقاند باعىتىنداعى HH786 رەيسىندە جولاۋشىلاردىڭ ءبىرىنىڭ دەنساۋلىعى ناشارلادى. وسىعان بايلانىستى ۇشاق اقتوبە وبلىسىنىڭ حالىقارالىق اۋەجايىنداعى بالاما اەرودرومعا قونۋعا ءماجبۇر بولدى»، - دەلىنگەن حابارلامادا.
ەكيپاج بورتقا جەدەل جاردەم كولىگىن شاقىردى. ۇشاق اقتوبەگە استانا ۋاقىتىمەن 15:48- دە قوندى. الداعى ۋاقىتتا سامارقان اۋەجايىنا ۇشادى دەپ جوسپارلانۋدا.
