سانكت-پەتەربۋرگتە وزەنگە قۇلاعان اۆتوبۋس: اۆتوكولوننانىڭ باسشىسى ۇستالدى

тасс
فوتو: ت ا س س

سانكت-پەتەربۋرگتە اۆتوبۋس اپاتىنا قاتىسى بار كۇدىكتى ۇستالدى، دەپ حابارلايدى ت ا س س اگەنتتىگى.

سانكت-پەتەربۋرگتە اۆتوبۋستىڭ وزەنگە قۇلاۋى سالدارىنان ادام ولىمىنە قاتىستى قىلمىستىق ءىس بويىنشا «تاكسي» جاۋاپكەرشىلىگى شەكتەۋلى سەرىكتەستىگى اۆتوكولونناسىنىڭ باسشىسى ۇستالدى.

«ادامداردى تاسىمالداۋدى ۇيىمداستىرعان «تاكسي» جاۋاپكەرشىلىگى شەكتەۋلى سەرىكتەستىگى اۆتوكولونناسىنىڭ باسشىسى كۇدىكتى رەتىندە ۇستالدى. لاۋازىمدىق نۇسقاۋلىققا سايكەس اتالعان تۇلعاعا ەڭبەك جانە كولىك ءتارتىبىن، ونىڭ ىشىندە «تاكسي» جاۋاپكەرشىلىگى شەكتەۋلى سەرىكتەستىگىندە جۇمىس ىستەيتىن جۇرگىزۋشىلەردىڭ ەڭبەك جانە دەمالىس رەجيمىن ساقتاۋدى قاداعالاۋ مىندەتى جۇكتەلگەن»، - دەپ مالىمدەدى ر ف تەرگەۋ كوميتەتى.

سونداي-اق رەسەيدىڭ تەرگەۋ كوميتەتى سانكت-پەتەربۋرگتە وزەنگە قۇلاعان اۆتوبۋس جۇرگىزۋشىسىنە بىرنەشە كۇن بويى قاجەتتى دەمالۋ ۋاقىتى بەرىلمەگەنىن جاريالادى.

بۇعان دەيىن سانكت-پەتەربۋرگتە اۆتوبۋس وزەنگە قۇلاپ كەتكەنى حابارلانعان بولاتىن. جەتى ادام قايتىس بولدى. 

اۆتور
اسحات رايقۇل

سوڭعى جاڭالىقتار