سامات ءابىش وكىلەتتىگىن اسىرا پايدالانعانى ءۇشىن تەرگەلىپ جاتىر - باس پروكۋراتۋرا
باس پروكۋرورىنىڭ ورىنباسارى اسەت شىنداليەۆ ۇلتتىق قاۋىپسىزدىك كوميتەتى ءتوراعاسىنىڭ بۇرىنعى ءبىرىنشى ورىنباسارى سامات ابىشكە قاتىستى تەرگەۋ امالدارى جالعاسىپ جاتقانىن ايتتى، دەپ حابارلايدى قازاقپارات ءتىلشىسى.

«سامات ابىشكە قاتىستى تەرگەۋ امالدارى جالعاسىپ جاتىر. ق ر قىلمىستىق-پروتسەسسۋالدىق كودەكس تالابىنا سايكەس، سوتقا دەيىنگى تەرگەپ-تەكسەرۋدىڭ وزگە دەرەكتەرى جاريا ەتۋگە جاتپايدى. بۇل جايىندا باس پروكۋراتۋرا ءتيىستى مالىمەتتى جاريالاعان بولاتىن»، - دەدى ءا. شىنداليەۆ.
ايتۋىنشا، س. ءابىشتىڭ ەلدەن كەتپەۋ تۋرالى قولحاتى بار.
«ول قازىر قازاقستاندا. س. ابىشكە قاتىستى قاڭتار وقيعالارى كەزىندە بيلىك پەن لاۋازىمدى وكىلەتتىگىن اسىرا پايدالانۋ فاكتىسى بويىنشا تەرگەۋ ءجۇرىپ جاتىر. ەلدەن كەتپەۋ تۋرالى قولحاتى اياسىندا ونىڭ ءۇيىنىڭ الدىندا قاراۋىل بولمايدى. ول ءوز ۇيىندە تۇرادى. تەرگەۋشى شاقىرعان كەزدە، ءوزى بارادى. سونىمەن قاتار ادۆوكاتتارمەن جانە باسقا ادامدارمەن كەزدەسە الادى»، - دەدى باس پروكۋروردىڭ ورىنباسارى.
بۇدان بۇرىن حابارلانعانداي، بيىل 19-قىركۇيەكتە سامات ابىشكە قاتىستى تەرگەۋ ءجۇرىپ جاتقانى حابارلاندى
بۇل تۇرعىدا اسەت شىنداليەۆ س. ابىشكە قاتىستى تەگەۋ باستالعانىنا ءبىراز ۋاقىت وتكەنىن ايتتى.