سالىق تولەۋشىلەرگە قىزمەت كورسەتەتىن توپتار پايدا بولادى

استانا. قازاقپارات - مەملەكەتتىك كىرىستەر كوميتەتىندە جاڭا تىركەلگەن سالىق تولەۋشىلەرى بويىنشا قوسىمشا وقىتۋ ءىس-شارالارى جۇرگىزىلەدى.

قارجى ۆيتسە-ءمينيسترى ەرجان ءبىرجانوۆتىڭ ايتۋىنشا، ۆەدومستۆودا جاڭا سەرۆيستەر پايدا بولادى. الىس وڭىرلەردەگى نەمەسە قيىن جاعدايعا تۇسكەن سالىق تولەۋشىلەرگە قىزمەت كورسەتەتىن سەرۆيستىك توپتاردىڭ فۋنكتسياسى ىسكە قوسىلادى. ولار ءار وڭىردە قۇرىلاتىن بولادى. بۇل توپتار كەڭەس بەرۋ قۇقىعىنا يە. وسى فۋنكسيالار جاڭا كودەكستە كورسەتىلگەن. سەرۆيستىك توپتار اقپاراتتىق-ءتۇسىندىرۋ جۇمىستارىن جۇرگىزەدى.

تاعى ءبىر وزگەشەلىك - پيلوتتىق جوبالارعا قاتىستى وزگەرىستەر. م ك ك پيلوتتارى بويىنشا بارلىق پروتسەسس رەگلامەنتتەلەدى. پيلوتتىق جوبانىڭ ماقساتى - بىرنەشە نەگىزدىلىك تۇرىندە ىسكە اسىرىلۋى. بۇل اشىقتىق نەگىزدىلىگى، پيلوتتىق جوبالاردى ورىنداۋ مۇمكىندىگى، پروپورتسيونالدىلىق جانە ۇتىمدىلىق پروتسەستەرى بولۋى كەرەك. وسى شارتتار ورىندالاتىن بولسا عانا جوبالار ىسكە اسادى. پيلوتتىق جوبا ىسكە اسىرىلعاننان كەيىن قورىتىندى ساراپتاما-تالقىلاۋ جۇمىستارى جۇرگىزىلىپ، ول ب ا ق كوزدەرى ارقىلى جاريالانۋعا ءتيىس. سودان كەيىن پيلوتتىق جوبانى ىسكە اسىرۋ تۋرالى شەشىم قابىلدانادى.

م ك ك ءبىر ساتتە نەشە پيلوتتىق جوبانى ىسكە اسىرۋى كەرەك، ول دا وسى رەگلامەنتكە قوسىلعان. سوندىقتان قازىر پيلوتتىق جوبالاردىڭ ءجيى ەنگىزىلىپ جاتاتىندىعىنا، وسىنىڭ سالدارىنان كاسىپكەرلەرگە اۋىرتپالىق تۇسەتىنىنە شاعىمدار كوپ. سوندىقتان بۇل پروتسەستى رەگلامەنت تۇرىندە بەكىتەتىن بولامىز. سونداي-اق جاڭا وزگەرىستەردىڭ ءبىرى - ەسكەرتۋلەر مەن حابارلامالار. ەسكەرتۋلەر 20 ا ە ك- كە دەيىن بەرەشەك پايدا بولعان جاعدايدا جىبەرىلەدى. ال حابارلاما اقپاراتتىق-پروفيلاكتيكالىق جانە مىندەتتى تۇردە ورىندالاتىن حابارلامالار بولىپ بولىنەدى، - دەدى ۆيتسە-مينيستر.