سالىق تولەۋ، ونى تولەمەۋدەن ارزان بولۋى كەرەك - ايدوس سارىم
الماتى. KAZINFORM - الماتىدا ق ر پارلامەنتى ءماجىلىسى جانىنداعى قوعامدىق پالاتانىڭ كوشپەلى وتىرىسى ءوتتى. ءىس- شاراعا ءماجىلىس جانە ءماسليحات دەپۋتاتتارى، كاسىپكەرلەر مەن ساراپشىلار قاتىستى.
وتىرىس بارىسىندا جاڭا زاڭ جوباسىنىڭ قولدانىستاعى زاڭنامادان ايىرماشىلىعى مەن ونىڭ باستى ماقساتى ايتىلدى.
- سالىق كودەكسى - ەلىمىزدىڭ ەكونوميكالىق دامۋى ءۇشىن ەڭ ماڭىزدى زاڭ دەۋ ارتىق ايتقانىمىز بولماس. بۇگىن تالقىلاناتىن تاقىرىپتىڭ بىرنەشە باستى ماسەلەسىنە توقتالىپ وتسەك. ءبىرىنشى، سالىق كودەكسىنىڭ تۇراقتىلىعى. قازىرگى كەزگە دەيىن قانشا كودەكس قابىلدانىپ، قانشاما وزگەرىس ەنگىزىلدى. بيزنەس جۇمىس ىستەۋدىڭ ورنىنا، تەز وزگەرەتىن زاڭعا بەيىمدەلۋمەن جۇرەدى. سوندىقتان ءبىزدىڭ ماقساتىمىز قايتا- قايتا وزگەرىس ەنگىزىلمەيتىن تۇراقتى زاڭ قابىلداۋ. ەكىنشى، سالىق بازاسىن كەڭەيتۋ. قازىرگى ۋاقىتتا ەلىمىزدە 2 ميلليونعا جۋىق شاعىن جانە ورتا بيزنەس سۋبەكتىلەرى بار. جاڭا سالىق كاسىپكەرلەردى اشىق جۇمىس ىستەۋگە جانە سالىق تولەۋگە يتەرمەلەۋى قاجەت. زاڭداعى باستى وي - سالىق تولەۋ، ونى تولەمەۋدەن ارزان بولۋى كەرەك، - دەدى ءماجىلىس دەپۋتاتى ايدوس سارىم.
ال جاڭا سالىق كودەكسى بويىنشا جۇمىس توبىنىڭ جەتەكشىسى - ءماجىلىس دەپۋتاتى بەرىك بەيسەنعالييەۆ زاڭ جوباسىن تالقىلاۋ بويىنشا بۇگىنگە دەيىن 12 وتىرىس وتكەنىن اتاپ ءوتتى.
- زاڭ جوباسىنىڭ نەگىزگى باعىتتارى ماجىلىستە 17- قىركۇيەك كۇنى تانىستىرىلدى. جاڭا جوبانىڭ قازىرگى قولدانىستاعى زاڭنان باستى ايىرماشىلىعى - سالىقتىق اكىمشىلەندىرۋگە باسا نازار اۋدارۋ. زاڭ جوباسىن قاراستىرۋ ءۇشىن ماجىلىستە جۇمىس توبى قۇرىلدى، ونىڭ قۇرامىنا دەپۋتاتتار، مەملەكەتتىك ورگانداردىڭ وكىلى، «اتامەكەن» ۇ ك پ جانە قوعامدىق بىرلەستىك وكىلدەرى، ساراپشىلار كىردى. جۇمىس توبىنىڭ وتىرىستارىنا كەم دەگەندە 150, ورتا ەسەپپەن 230 ادام قاتىسادى. بۇگىنگە دەيىن جۇمىس توبىنىڭ 12 وتىرىسى ءوتتى، - دەدى بەرىك بەيسەنعاليەۆ.
ەسكە سالايىق، پرەزيدەنت جاڭا سالىق كودەكسىن قابىلداۋ مەرزىمىن كەلەسى جىلعا اۋىستىرۋعا بولاتىنىن ايتتى.
