سالتانات نۇكەنوۆانىڭ ولىمىنە قاتىستى قىلمىستىق ءىستى تەرگەۋ اياقتالدى - ءى ءى م

ىشكى ىستەر مينيسترلىگى سالتانات نۇكەنوۆانىڭ ولىمىنە قاتىستى قىلمىستىق ءىستى تەرگەۋدى اياقتادى. بۇل تۋرالى اتالعان ۆەدومستۆونىڭ باسپا ءسوز قىزمەتىنەن ءمالىم ەتتى، دەپ حابارلايدى Kazinform.

«استانا قالالىق پوليتسيا دەپارتامەنتى س. نۇكەنوۆانى ءولتىرۋ فاكتىسى بويىنشا قىلمىستىق ءىستى تەرگەۋدى اياقتادى»، - دەپ ءمالىم ەتتى مينيسترلىكتەن.

سونىمەن قاتار ۆەدومستۆو «گاستروورتالىق» ديرەكتورىنا قاتىستى قىلمىستىق ءىستى تەرگەۋ جۇمىستارىنىڭ اياقتالعانىن اتاپ ءوتتى.

«تاراپتار قىلمىستىق ءىس ماتەريالدارىمەن تانىسا باستادى»، - دەپ ناقتىلادى ۆەدومستۆودان.

ەسكە سالايىق، بيىلعى 9- قاراشادا استاناداعى باۋ مەيرامحاناسىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ ءوزىنىڭ جۇبايىن سوققىعا جىقتى. ايەل جەدەل جاردەم كەلگەنشە كوز جۇمدى.

كەيىن ىشكى ىستەر مينيسترلىگى قۋاندىق بيشىمبايەۆتىڭ ۇستالعانىن راستادى.

ەلوردا پوليتسيا دەپارتامەنتى ق ر قىلمىستىق كودەكسىنىڭ 99-بابى 1-بولىگى بويىنشا تەرگەۋ امالدارىن باستادى.

11- قاراشادا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى قۋاندىق بيشىمبايەۆتى 2 ايعا قاماۋعا الۋ شاراسىن سانكسيالادى.

12- قاراشادا كىسى ءولىمى بولعان «گاسترو-ورتالىق» مەيرامحاناسىنىڭ ديرەكتورى ۇستالدى.

15- قاراشادا وتكەن كەڭەستە پرەزيدەنت ق. توقايەۆ ءى ءى م- گە بيشىمبايەۆتىڭ ءىسىن ەرەكشە باقىلاۋعا الۋدى تاپسىردى.