سالقىنداتقىشتىڭ پايداسى مەن زيانى

Кондиционер бытовая техника тұрмыстық техника
Фото: Солтан Жексенбеков/ Kazinform

 استانا. قازاقپارات - اپتاپ ىستىقتا بولمە تەمپەراتۋراسىن رەتتەيتىن قۇرىلعىعا سۇرانىس ارتتى. نارىقتا جەلدەتكىش پەن اۋا باپتاعىشتار قىمباتتاعان. سەبەبى سۇرانىس بار جەردە باعانىڭ دا شارىقتايتىنى بەلگىلى.

اپتاپتا ادامدار قالاي امالداپ ءجۇر؟

ەلوردا تۇرعىنى بولاتبەك تۋسانوۆ تاياۋدا باسپانالى بولدى. ءبىراق جاز ايلارىندا ءۇيىنىڭ ءىشى قاپىرىق بولاتىنىن ايتادى. وتىرۋ، قوناق شاقىرۋ مۇمكىن ەمەس. وسىعان بايلانىستى ول وسى اپتادان كەشىكپەي ساپالى جەلدەتكىش قۇرىلعىسىن ساتىپ الۋ مىندەتىن قويدى. دۇكەندەردەگى باستاپقى باعا 100 مىڭ تەڭگەدەن جوعارى بولعان سوڭ، قالتاعا سالماق تۇسىرەتىنىن جاسىرمادى.

بولاتبەك تۋسانوۆ، قالا تۇرعىنى:

- بىلاي قاراساڭ، باعالارى قىمباتتاۋ. ءبىز كوپبالالى انالار مەن مۇمكىندىگى شەكتەۋلى جاندار تۇراتىن جاقتا تۇرامىز. سول جەردە ءۇي بەرگەن بىزگە. سوعان ەندى زەينەتاقىمدى جيناپ كورىپ جاتقان جاعدايىمىز بار. ءالىمىز كەلسە الامىز، كەلمەسە باسقاسىن كورەمىز.

اۋا باپتاعىشتاردىڭ بارلىعى دەرلىك كورشى قىتايدا قۇراستىرىلادى. برەند ۇلگىلەرى سان ءتۇرلى بولعانىمەن، فۋنكتسيونالدىق تۇرعىدا ءبىر-بىرىنەن ايتارلىقتاي ايىرماشىلىعى جوق. پاتەرىڭىز بەن كەڭسەڭىزدىڭ كەڭدىگىنە قاراي جۇيەنىڭ قۋاتتىسىن تاڭداپ بەرەدى. كارتينا ءپىشىندى ديزاينەرلىك ۇلگىلەرىنە دەيىن بار. ءبىراق ولاردىڭ باعاسى جارتى ميلليون تەڭگەدەن باستالادى.

تەمىرلان ارينوۆ، ساتۋشى:

- ۇيىندە بالاسى نەمەسە قارياسى بار وتباسىلى ادامدار ءجيى كەلەدى. قازىر ىستىق اۋا رايىندا تىنىسى تارىلىپ جۇرگەن ازامات كوپ. بارلىق كليەنتتىڭ ءوتىنىشى مەن سۇرانىسىن تىڭداپ، وزدەرىنە ىڭعايلىسىن كورسەتەمىز. كوبى ساپاعا جانە دىبىسىنىڭ تىنىشتىعىنا ءمان بەرەدى.

جەلدەتكىش - قان قىسىمى جوعارى جاندارعا تاپتىرماس قۇرال. ويتكەنى ولار جاز ايلارىندا كولەڭكەدەن شىعا الماي ءبىراز ابىگەرگە تۇسەدى. بۇل جاعدايعا ءاتۇستى قاراۋعا بولمايدى. سەبەبى دەنساۋلىققا، ءتىپتى ومىرگە قاۋىپ توندىرەدى. تاعى سىرتتان ىشكە تەرلەپ كىرۋ، ارتىنشا بىردەن كونديتسيونەر قوسۋ نەمەسە قۇرىلعىنىڭ ىشكى سۇزگىشىن ۋاقتىلى تازارتپاۋ - ءتۇرلى دەرتكە اكەلۋى مۇمكىن. مۇنى كوپشىلىك بىلە بەرمەيدى. بۇل رەتتە دارىگەرلەر تۇرعىنداردى كۇتىنىپ جۇرۋگە شاقىرادى. ر

وزاليا لاتىپوۆا، وتولارينگولوگ-دارىگەر:

- كەشە كابينەتىمە 4 قىز كەلىپ، كونديتسيونەر كەسىرىنەن سۋىقتاپ قالعانىن ايتتى. جۇتىنا الماي تاماقتارىن ۇستاپ شاعىمداندى. تەكسەرە كەلە، ولارعا وزگە ادامنان انگينا جۇققانى انىقتالدى. بۇل جەردە كونديتسيونەردىڭ قاتىسى شامالى. ونىڭ سۋىعىنا اۋىرىپ قالا بەرەتىن ادامداردىڭ ادەتتە يممۋنيتەتى ءالسىز كەلەدى. اعزاسىنان تولىق شىعا قويماعان دەرتتى جەلدەتكىش قوزدىرىپ جىبەرەتىنى راس. سوندىقتان ساقتانۋ كەرەك.

كونديتسيونەردى تىم ۇزاق جانە دۇرىس پايدالانباعان كەزدە ىشىنە شاڭ- توزاڭ جينالىپ، ميكروبتار مەن باكتەريالار پايدا بولادى. سالدارىنان فيلترى مەن ىشكى قابىرعالارى كوگەرىپ كەتەدى. مۇنداي كەزدە قۇرىلعىنى شۇعىل سەرۆيستىك ورتالىقتارعا تاپسىرعان ءجون ەكەنىن ەسكەرتەمىز. نەگىزى تازارتۋ جانە ىشىندەگى فريون سۇيىقتىعىن اۋىستىرۋ جىلىنا ءبىر مارتە جۇرگىزىلۋى كەرەك.

https://24.kz

سوڭعى جاڭالىقتار