سالماق تاستاعىسى كەلەتىندەرگە وتە پايدالى: اسقاباقتىڭ قانداي كومەگى بار؟
استانا. KAZINFORM - اسقاباق ىشەك جۇمىسىن جاقسارتىپ، ۇزاق ۋاقىت توق جۇرۋگە كومەكتەسەدى.
بۇل تۋرالى تەراپيەۆت ءارى ديەتولوگ ەلەنا ۋستينوۆا ايتتى، - دەپ حابارلايدى Massaget.kz ءتىلشىسى.
ماماننىڭ سوزىنشە، 100 گرام اسقاباقتا شامامەن 22 كيلوكالوريا جانە 4 گرام جاسۇنىق بار. بۇل اس قورىتۋعا پايدالى ءارى ۇزاق ۋاقىت توق جۇرۋگە كومەكتەسەدى. اسىرەسە، سالماق تاستاعىسى كەلەتىندەر ءۇشىن بۇل وتە ماڭىزدى. سونىمەن قاتار، اسقاباقتىڭ پايداسى قۇرامىنداعى كاروتينويدقا بايلانىستى. ولاردىڭ ءبىر بولىگى اعزادا ا دارۋمەنىنە اينالادى.
دارىگەر اسقاباقتى دايىنداۋ كەزىندە ماي، قانت، كىلەگەي نەمەسە ىرىمشىك كوپ قوسىلسا، تاعامنىڭ كالورياسى ايتارلىقتاي ارتاتىنىن ايتتى.
مامان تاعامنىڭ كالورياسىن تومەن دەڭگەيدە ساقتاۋ ءۇشىن اسقاباقتى پەشتە پىسىرۋگە، بۇقتىرۋعا نەمەسە بۋعا دايىنداۋعا كەڭەس بەردى.
