ساۋل «كانەلو» الۆارەس قازاقستانعا كەلمەك

Sports.kz باسىلىمىنا بەرگەن سۇحباتىندا 28 جاستاعى قازاقستاندىق بوكسشى «كانەلونىڭ» قازاقستانعا كەلۋگە نيەتتى ەكەنىن دە ايتتى.

«ءيا، مەن وعان قازاقستان تۋرالى ۇنەمى ايتىپ جۇرەمىن. ءوزى دە سۇرادى. كەلەتىنىن ايتتى»، - دەدى بەك نۇرماعانبەت.

قازاقستاندىق سپورتشى مەن «كانەلو» ءبىر-ءبىرىن جاقسى تانيدى. نۇرماعانبەت مەكسيكالىق چەمپيوننىڭ سپاررينگ-سەرىكتەستەرىنىڭ ءبىرى سانالادى.

نۇرماعانبەت ەر-ريادتا نوكاۋت جاسادى

بەك نۇرماعانبەت جۋىردا ساۋد ارابياسىنىڭ ەر-رياد قالاسىندا وتكەن ءىرى بوكس كەشىندە ونەر كورسەتتى.

ول «كانەلو» الۆارەس قاتىسقان كەشتىڭ اندەركاردىندا مەكسيكالىق ماركوس ۆاسكەس رودريگەسپەن (21-4-1، 10 ك و) جۇدىرىقتاسىپ، قارسىلاسىن ءبىرىنشى راۋندتا-اق نوكاۋتقا ءتۇسىردى.

راۋند اياقتالۋىنا شامامەن ءبىر مينۋت قالعاندا نۇرماعانبەت ۆاسكەستى نوكداۋنعا جىبەردى. ال العاشقى ءۇش مينۋتتىقتىڭ سوڭىنا ساناۋلى سەكۋند قالعاندا سول قولىمەن جاساعان اۋىر سوققىسىنان كەيىن جەكپە-جەكتى مەرزىمىنەن بۇرىن اياقتادى.

بەك كاسىپقوي رينگتە ءالى جەڭىلمەگەن

نۇرماعانبەت كاسىپقوي بوكستا 17 جەكپە-جەكتىڭ بارلىعىندا جەڭىسكە جەتكەن. ونىڭ 15 جەڭىسى نوكاۋتپەن اياقتالعان.

ال ساۋل «كانەلو» الۆارەستىڭ كاسىپقوي بوكستاعى كورسەتكىشى - 64 جەڭىس، 3 جەڭىلىس جانە 2 تەڭ ناتيجە. ونىڭ 39 جەڭىسى نوكاۋتپەن تىركەلگەن.