سانكت-پەتەربۋرگتە كوروناۆيرۋسقا قاتىستى شەكتەۋلەر 6 جىلدان كەيىن الىندى
ماسكەۋ. قازاقپارات - 2020 -جىلعى ناۋرىزدا ەنگىزىلگەن COVID-19 تارالۋىنا قارسى ءىس-شارالار تۋرالى قالا بيلىگىنىڭ قاۋلىسى 2026 -جىلعى 1-قازاننان باستاپ كۇشىن جويادى، دەپ حابارلايدى اگەنتتىك ءتىلشىسى.
قۇجاتتى جويۋ تۋرالى شەشىم وڭىردەگى ەپيدەميولوگيالىق جاعدايدىڭ تۇراقتانۋىنا بايلانىستى قابىلداندى. ءتيىستى نۇسقامانى سانكت-پەتەربۋرگ پەن لەنينگراد وبلىسى بويىنشا باس مەملەكەتتىك سانيتارلىق دارىگەر شىعاردى.
نەگىزگى قاۋلىمەن بىرگە وعان كەيىن ەنگىزىلگەن وزگەرىستەر مەن تولىقتىرۋلار دا كۇشىن جويادى.
التى جىلدان استام ۋاقىت بويى قولدانىستا بولعان قۇجات ءار كەزەڭدە كوروناۆيرۋس ينفەكتسياسىنىڭ تارالۋىنىڭ الدىن الۋ شارالارىن رەتتەدى. ونىڭ ىشىندە بۇقارالىق ءىس-شارالاردى وتكىزۋگە، قوعامدىق تاماقتانۋ ورىندارى مەن ساۋدا نىساندارىنىڭ جۇمىسىنا قويىلاتىن تالاپتار، سونداي-اق باسقا دا سانيتارلىق-ەپيدەميولوگيالىق شەكتەۋلەر قامتىلدى.
سونىمەن قاتار قاۋلىدا كوزدەلگەن شەكتەۋ شارالارىنىڭ باسىم بولىگى بۇعان دەيىن جويىلعان بولاتىن. قۇجاتتىڭ كۇشى فورمالدى تۇردە 2026 -جىلدىڭ كۇزىنە دەيىن ساقتالدى.
ايتا كەتەيىك، قازاقستاندا كوروناۆيرۋس جۇقتىرۋ دەرەگى 16 ەسە ازايدى.
