11:11, 23 - جەلتوقسان 2023 | GMT +5
سادىر جاپاروۆ قىرعىزستان تۋىن وزگەرتۋگە باعىتتالعان زاڭعا قول قويدى
قىرعىزستان پرەزيدەنتى سادىر جاپاروۆ «ق ر مەملەكەتتىك رامىزدەرى تۋرالى» ق ر زاڭىنا وزگەرىستەر مەن تولىقتىرۋلار ەنگىزۋ تۋرالى» 20- جەلتوقساندا جوگوركۋ كەنەش قابىلداعان زاڭعا قول قويدى، دەپ حابارلايدى Kazinform قىرعىزستاننىڭ كابار اگەنتتىگىنە سىلتەمە جاساپ.
زاڭ قىرعىز رەسپۋبليكاسىنىڭ ەڭ باستى رامىزدەرىنىڭ ءبىرى - ەل تۋىن جەتىلدىرۋگە باعىتتالعان.
جاڭا قابىلدانعان زاڭ نورمالارىنا سايكەس، قىرعىز رەسپۋبليكاسى تۋىنداعى كۇن ساۋلەلەرىنىڭ ءپىشىنى وزگەرەدى.
سونداي-اق قابىلدانعان زاڭعا سايكەس، مەملەكەتتىك تۋ بەينەلەنگەن رەسمي قۇجاتتار ولاردىڭ قولدانۋ مەرزىمى اياقتالعانشا كۇشىندە بولادى. ال مەملەكەتتىك تۋ بەينەلەنگەن كولىكتەردىڭ نومىرلەرى مەن ولاردى تىركەۋ تۋرالى كۋالىكتەر ءتيىستى ورگاننىڭ ولاردى الماستىرۋ جونىندەگى شەشىمى شىققانشا قولدانىلا بەرەدى.
