سادىر جاپاروۆ جۇمىس ساپارىمەن قازاقستانعا كەلەدى
استانا. KAZINFORM - قىرعىزستان پرەزيدەنتى سادىر جاپاروۆ 17-قىركۇيەكتە «ورتالىق ازيا-گەرمانيا» مەملەكەت باسشىلارىنىڭ ەكىنشى وتىرىسىنا قاتىسۋ ءۇشىن قازاقستانعا جۇمىس ساپارىمەن كەلەدى.
ق ر پرەزيدەنتى اكىمشىلىگىنىڭ سىرتقى ساياسات ءبولىمىنىڭ مەڭگەرۋشىسى مۇراتبەك ازىمباقيەۆتىڭ ايتۋىنشا، ساپار اياسىندا قىرعىزستان باسشىسى ورتالىق ازيا مەملەكەتتەرى باسشىلارى مەن گ ف ر فەدەرالدى كانسلەرىنىڭ ەكىنشى كەزدەسۋىنە قاتىسادى.
تاراپتار وڭىرلىك كۇن ءتارتىبىنىڭ وزەكتى ماسەلەلەرىن، ونىڭ ىشىندە ورتالىق ازيا ءوڭىرىنىڭ گەرمانيا رەسپۋبليكاسىمەن بارلىق سالالارداعى ىنتىماقتاستىعىن كەڭەيتۋدى تالقىلايدى.
- سونىمەن قاتار سادىر جاپاروۆ ورتالىق ازيا ەلدەرى پرەزيدەنتتەرىنىڭ نەمىس كاسىپكەرلەرىمەن كەزدەسۋىنە قاتىسادى، نەمىس بيزنەس قاۋىمداستىعىمەن جەكە كەزدەسۋ وتكىزەدى، سونداي-اق گەرمانيانىڭ فەدەرالدى كانسلەرى ولاف شولسپەن ەكىجاقتى كەلىسسوزدەر جۇرگىزەدى، - دەدى رەسمي وكىل.
بۇعان دەيىن گەرمانيا فەدەرالدى كانسلەرى ولاف شولس مەملەكەت باسشىسى قاسىم-جومارت توقايەۆتىڭ شاقىرۋىمەن قازاقستانعا رەسمي ساپارمەن كەلەتىنى حابارلانعان.
گەرمانيا فەدەرالدى كانسلەرى ولاف شولس «ورتالىق ازيا + گەرمانيا» سامميتىنە قاتىسادى، ونىڭ بارىسىندا كەڭ اۋقىمداعى ستراتەگيالىق ىنتىماقتاستىق پەن سەرىكتەستىك ماسەلەلەرىن، سونىڭ ىشىندە ساۋدا-ەكونوميكالىق ءوزارا ءىس-قيمىل جانە بىرلەسكەن ينۆەستيتسيالىق جوبالاردى جۇزەگە اسىرۋدى تالقىلاۋ جوسپارلانعان.
اۆتور
ەركەجان سماعۇلوۆا
