ساۋداگەرلەر سالىق رەجيمىنە قارسى ميتينگ وتكىزدى

بىشكەك، وش، قاراكول، تالاستا كاسىپكەرلەردىڭ ميتينگى ءوتىپ جاتىر. ولار جاڭا سالىق وزگەرىستەرىنە قارسى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

2024-جىلدىڭ 1- قاڭتارىندا، سالىق زاڭناماسىنداعى وزگەرىستەرگە سايكەس قىرعىزستاندا سالىقتىڭ پاتەنتتىك جۇيەسى توقتاتىلادى.

بارلىق قالادا ءوتىپ جاتقان بۇگىنگى نارازىلىق اكسياسىنا قاتىسۋشىلار باقىلاۋ-كاسسا ماشينالارىن پايدالانۋ تالابىنا قارسى شىعىپ، كاسىپكەرلەرگە پاتەنت بويىنشا جۇمىستى جالعاستىرۋعا رۇقسات بەرۋدى سۇرايدى.

استانالىق «مادينا»، «ورتو-ساي» بازارلارى ساۋداگەرلەرى دە جاقىندا وسىنداي تالاپپەن ميتينگىگە شىقتى. وش وبلىسىنداعى ەلدىڭ ەڭ ءىرى ساۋدا ورىندارى ءارى ستراتەگيالىق نىساندارعا جاتاتىن «دوردوي» مەن «قارا سۋۋ» بازارلارىندا باقىلاۋ-كاسسا ماشينالارىن، ەلەكتروندى تاۋار-كولىك جازبالارى مەن ەلەكتروندى شوت-فاكتۋرانى پايدالانباۋعا مۇمكىندىك بەرەتىن ەرەكشە سالىق رەجيمى جۇمىس ىستەيدى. ەرەكشە سالىق رەجيمى تابىس سالىعىن، ساتۋدان تۇسەتىن سالىقتى، ق ق س الماستىرادى.