ساۋد ارابياسىندا كريشتيانۋ رونالدۋ اتىنداعى مۇراجاي اشىلدى
«ءال-ناسر» فۋتبول كلۋبىنىڭ جانە پورتۋگاليا قۇراماسىنىڭ فۋتبولشىسى كريشتيانۋ رونالدۋدىڭ ساۋد ارابيادا جەكە مۇراجايى اشىلدى، دەپ حابارلايدى Kazinform.
«بۇل - مەنىڭ تاريحىم. مادەيرادان ساۋد ارابياسىنا دەيىن وتكەن جولىمنان سىر شەرتەتىن CR7 مۇراجايى ەندى ەر-ريادتا اشىلدى»، - دەپ جازدى الەمدىك فۋتبول جۇلدىزى Instagram الەۋمەتتىك جەلىسىندەگى پاراقشاسىندا.
مۇراجايدا كريشتيانۋ رونالدۋدىڭ جەكە كيىمدەرى: فۋتبولكالارى، اياق كيىمدەرى جانە جۇلدەلەرى مەن مەدالدارى، سونىڭ ىشىندە «التىن دوپ» جۇلدەسى قويىلعان. وندا فۋتبولشىنىڭ بالاۋىزدان جاسالعان ۇلگىسى دە بار.
ەسكە سالا كەتسەك، رونالدۋ «ءال-ناسر» كومانداسىنا قىسقى ترانسفەر كەزىندە اۋىسقان. ويىنشى 2022-2023-جىلعى ماۋسىمدى «مانچەستەر يۋنايتەدتە» باستاپ، كەيىن ونداعى باسشىلىقپەن جانە جاتتىقتىرۋشىمەن جانجالدان سوڭ كلۋب ساپىنان كەتۋدى ۇيعاردى.
