ساۋد ارابياسى قاجىلىق ەرەجەلەرىن بۇزعاندارعا قاتاڭ ايىپپۇلدار ەنگىزدى
استانا. KAZINFORM - ساۋد ارابياسى بيلىگى قاجىلىق ەرەجەلەرىن قاتاڭ ساقتاۋ قاجەتتىگىن تاعى دا ەسكە سالىپ، ەرەجە بۇزۋشىلارعا قوسىمشا ايىپپۇلدار ەنگىزدى، دەپ جازادى كابار.
بۇل تۋرالى اl Jazeera اگەنتتىگى كورولدىكتىڭ ىشكى ىستەر مينيسترلىگىنە سىلتەمە جاساي وتىرىپ حابارلادى.
بۇگىننەن باستاپ، زۋل-كادا (رەد. - مۇسىلمان كۇنتىزبەسىندەگى 11-اي) ايىنىڭ 1-ىنەن زۋل- حيدجا (رەد. - مۇسىلمان كۇنتىزبەسىندەگى 12 اي) ايىنىڭ 14 ىنە دەيىن مەككەگە جانە باسقا دا قاسيەتتى جەرلەرگە زاڭسىز كىرۋ ارەكەتتەرىنە قاتىستى كۇشەيتىلگەن باقىلاۋ جانە جازا شارالارى كۇشىنە ەنەدى.
نەگىزگى شارالار مەن ايىپپۇلدار:
- قاجىلىققا ارنالماعان ۆيزالاردىڭ يەلەرىن قاسيەتتى جەرلەرگە تاسىمالداعاندارعا 100000 ساۋد ريالىنا دەيىن (شامامەن 26600 ا ق ش دوللارى) ايىپپۇل سالىنادى؛
- ەگەر ەرەجە بۇزۋشىلىق دالەلدەنسە، كولىك قۇرالى ەرەجە بۇزۋشىعا نەمەسە ونىڭ سىبايلاسىنا تيەسىلى بولسا، تاركىلەنۋى مۇمكىن؛
- رەسمي رۇقساتسىز قاجىلىق جاساۋعا ارەكەتتەنگەندەرگە 20000 ريالعا دەيىن (شامامەن 5332 ا ق ش دوللارى) ايىپپۇل سالىنادى؛
- ۆيزالىق رەجيمدى بۇزۋشىلار دەپورتاتسيالانىپ، ساۋد ارابياسىنا 10 جىلعا دەيىن كىرۋگە تىيىم سالىنادى.
ىشكى ىستەر مينيسترلىگى بۇل شارالار قاجىلىققا ارنايى رۇقساتى جوق مەككەگە كىرۋگە نەمەسە وندا تىيىم سالىنعان كەزەڭدە قالۋعا ارەكەتتەنەتىن كەز كەلگەن ۆيزا ءتۇرىنىڭ يەلەرىنە قاتىستى ەكەنىن اتاپ ءوتتى.
ساۋد ارابياسى بيلىگى بارلىق ازامات پەن رەزيدەنتتى قاجىلىق ەرەجەلەرىن قاتاڭ ساقتاۋعا جانە ءدىني راسىمدەر كەزىندە قاجىلاردىڭ قاۋىپسىزدىگى، ءتارتىبى مەن جايلىلىعىن قامتاماسىز ەتۋ ءۇشىن ەرەجە بۇزۋشىلىقتار تۋرالى حابارلاۋعا شاقىردى.
جاقىندا قازاقستان مۇسىلماندارى ءدىني باسقارماسى مالىمدەمە جاسادى. وعان سايكەس ساۋد ارابياسى بيىل زاڭسىز قاجىلىق جاساعان ادامدار مەن زاڭسىز قاجىلىقتى ۇيىمداستىرعاندارعا قوماقتى ايىپپۇل سالادى.
