ساۋد ارابياسى ماگدەبۋرگ بازارىنداعى لاڭكەستىك ارەكەتتى ايىپتادى

استانا. KAZINFORM - ءتيىستى مالىمدەمەنى كورولدىكتىڭ سىرتقى ىستەر مينيسترلىگى جاريالادى، دەپ جازادى ت ا س س.

ساۋد ارابياسىنىڭ بيلىگى گەرمانيانىڭ ماگدەبۋرگ قالاسىنداعى روجدەستۆولىق بازاردا جاسالعان لاڭكەستىك ارەكەتتى ايىپتاپ، گەرمانيا حالقىمەن ىنتىماقتاستىعىن ءبىلدىردى.

— سىرتقى ىستەر مينيسترلىگى ساۋد ارابياسى كورولدىگىنىڭ گەرمانيا فەدەراتيۆتى رەسپۋبليكاسىنداعى ماگدەبۋرگ قالاسىندا بولعان ادامداردى قاساقانا قاعۋ وقيعاسىن ايىپتايتىنىن ءبىلدىردى. قايعىلى وقيعا سالدارىنان بىرنەشە ادام قازا تاۋىپ، جارالاندى، — دەلىنگەن حابارلامادا.

ۆەدومستۆو ساۋد ارابياسى زورلىق-زومبىلىقتان باس تارتادى جانە «قازا تاپقانداردىڭ وتباسىلارىنا، گ ف ر ۇكىمەتى مەن حالقىنا زارداپ شەككەندەردىڭ تەزىرەك ساۋىعىپ كەتۋىن تىلەپ، شىن جۇرەكتەن كوڭىل ايتاتىنىن اتاپ ءوتتى.

ەسكە سالساق، جۇما كۇنى كەشكە قارا ءتۇستى BMW جۇرگىزۋشىسى كولىكتى ماگدەبۋرگتەگى (ساكسونيا-انحالت فەدەرالدى شتاتى) روجدەستۆولىق بازارعا ادەيى باعىتتاپ، بىرنەشە ادامدى قاقتى. Bild گازەتىنىڭ حابارلاۋىنشا، كەم دەگەندە 11 ادام قازا تاۋىپ، 80 گە جۋىق ادام جارالانعان، ءبىراق رەسمي تۇردە تەك ەكى ءولىم، ونىڭ ىشىندە ءبىر بالا راستالدى. ساكسونيا-انحالت پەن ماگدەبۋرگ بيلىگى بۇل وقيعانى تەراكت دەپ اتادى.

كەيىننەن جۇرگىزۋشىنىڭ ۇستالعانى حابارلاندى. ونىڭ 1974-جىلى تۋعان ساۋد ارابياسىنىڭ تۋماسى ەكەنى انىقتالدى.